Laino eta euri, aste honetan
Asteburuko hotzaren ostean, aste honetan tenperaturak apur bat gora egingo du eta egun lainotsuak nagusituko dira, eta baliteke euria ere egitea.
Astelehenean, zerua lainotuago egongo da hegoaldean, eta tenperaturak gora egingo du, oro har. Hodeiak ugarituz joango dira egunean zehar, eta hodeitza handiagoa izango da eta zerua nahiko estalita geldituko da hegoaldean; gainera, gauean euria egin lezake. Kostaldean, berriz, hodeiak eta ostarteak tartekatuko dira goizean, eta hodeitza handiagoa izango da arratsaldean. Haizeak ekialdetik joko du, goizean hego-ekialdetik eta arratsaldean isurialde atlantikoan, ipar-ekialdetik. Tenperatura maximoak eta minimoak 3-4 ºC igoko dira. Baliteke egunsentian Ebroren ibarrean behe-lainoa sortzea.
Asteartean, hodei dezente eta zaparrada batzuk. Hodei asko, oro har, egun osoan zehar, baina arratsaldean eta gauean hodeitza saretuago egon liteke. Gainera, ezegonkortasuna iritsiko da hegoaldetik, eta zaparrada txikiren bat bota dezake. Tenperaturan ez da aldaketa handirik izango, eta haizea ekialdetik ibiliko da.
Asteazkenean, atertzera joko du, eta tenperaturak gora egingo du, hego-haizearen laguntzaz. Joera berarekin jarraituko du asteburura arte gutxienez.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.
Gizon batek bikotekide ohia hil du Benicassimen
64 urteko emakume bat da biktima. Hainbat labankada jaso ondoren, larri eraman dute Castelloko Ospitale Nagusira, eta han hil da. Ustezko erasotzailea, 70 urteko gizona, atxilotuta dago.
Ertzaintza aste honetan hasiko da isunak jartzen baliza ez erabiltzeagatik
Baliza ez edukitzea edo baliza ez erabiltzea arau-hauste arintzat hartzen da, eta 80 euroko isuna dakar.
Gasteizko San Frantzisko elizan lanak egiten hasi dira, gehiago hondatu ez dadin
Martxoaren 3ko biktimen memorialaren egoitza izango dena narriatzen ari da, eta "kaltea areagotzeko arriskua dago, berehala esku hartzen ez bada".
Gizon bat hil da autoarekin kamioi baten kontra jota, Azkoienen
Aurrez aurre jo du kamioia 49 urteko auto-gidariak, eta lekuan bertan hil da.