10 gaztetik 6 bikotearekin emantzipatzen dira
Gurasoen etxetik irten eta indepedizatzea ez da gauza erraza Euskal Herriko gazteentzat. Etxebizitza eskaintza urriak, alokairuaren prezioak eta behar adinako diru-sarrerarik ez izateak zaildu egiten dute norbere kontura bizitzera joatea. Hori izan daiteke 18 eta 34 urte bitarteko gazte gehienek bikotean emantzipatzeko erabakia hartzeko arrazoietako bat.
Hala azaltzen du ostiral honetan EITBko hedabide guztietan "Gazteak eta Emantzipazioa" izenburupean argitaratu den EITB Dataren azken azterlanak.
Hain zuzen ere, bere kabuz bizitzera joandako gazteen % 60,8k aukeratzen dute bikotekidearekin bizitzea. Erabaki hori ohikoagoa da adin-tarte altuenean, hau da, 30 eta 34 urte bitartekoen artean.
Hala ere, beherakada txiki bat hauteman da azken hamarkadan, 2015ean bikotekidearekin emantzipatutakoak % 65,1 baitziren.
EITB Dataren azterlanean burujabetza lortu eta gurasoen etxetik irteteko beste aukera batzuk ere aipatzen dira.
Emantzipatu direnen artean, bakarrik bizi direnak guztizkoaren % 16,1 dira. Kasu horretan, joera igo egin da duela hamar urte baino, orduan % 11 baitziren.
Etxebizitza lagunekin partekatzea erabakitzen dutenak % 7,7 dira. Aukera hori ohikoagoa da 18 eta 29 urte bitarteko adin-taldean, 30 eta 34 urte bitartekoetan baino.
Azkenik, gurasoengandik aparte bizitzera joan diren gazteen multzo esanguratsu bat (% 15,4) beste egoera batean bizi da; beste senide batzuekin, adibidez. Egoera hori nabarmentzen da atzerriko nazionalitatea dutenen artean. Emantzipatu diren gazte atzerritar gehienak (% 54,7) bikotekidearekin bizi badira ere, % 30,8 beste senide batzuekin edo beste pisukide batzuekin bizi dira.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.