Zazpi urte eta erdiko kartzela zigorra, Bidebietako kiroldegian adingabe bati sexu-erasoa egiteagatik
Donostiako Bidebieta auzoko kiroldegian 13 urteko mutil bati sexu-erasoa egin zion gizonari zazpi urte eta erdiko kartzela zigorra ezarri diote, gaur goizean Gipuzkoako Auzitegian egin den aurretiazko saioan.
Fiskaltzak 14 urte eta hamar hilabeteko kartzela-zigorra eskatzen zuen, baina gaurko saioan akusatuari aringarriak aplikatzea onartu du egindakoa aitortu eta eragindako minagatik ezarritako 15.000 euroko kalte-ordaina ordaindu duelako.
Adin txikikoaren familia ordezkatzen duen herri akusazioa konforme geratu da aldeek lortu duten akordioarekin.
Kartzela zigorra amaitutakoan zaintzapeko askatasuna izango du nazionalitate frantsesa duen gizonak beste zortzi urtez, ezingo da biktimarengana hurbildu ezta berarekin harremanetan jarri ere, eta ezingo du hamar urtez adin txikikoekin lan egin.
Ministerio Publikoaren akusazio idazkiaren arabera, gertakariak 2024ko apirilaren 16an gertatu ziren. 62 urteko erasotzaileak biktimarekin bat egin zuen kiroldegiko dutxetan, eta, han, deseroso sentiarazi zuen mutikoa, begiratu zion moduagatik, eta, jarraian, aldageletan, sexu-erasoa egin zion, mehatxatu eta beldurtu egin zuen.
Gertakarien berri izan orduko, Ertzaintzak ikerketa abiarazi zuen. Egun batzuk geroago, ustezko erasotzailea atxilotu zuen, baina atxiloketaren unean iskin egin zien agenteei, eta autoan ihes egiten saiatu zen.
Ertzaintzak beste kiroldegi baten inguruan aurkitu zuen, Altzakoan, gerora Eneko Goia Donostiako alkateak jakinarazi zuenez.
Atxilotua agintaritza judizialaren esku utzi zuten, eta hark behin-behineko espetxeratzea agindu zuen, epaiketaren zain.
Albiste gehiago gizartea
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Hilketa matxista: gizon batek bikotekidea hil du Getafen
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen, emaztea hilko zuela ohartaraziz.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Hernaniko alkateak esan du "lintxatu behar zuten" pertsona bat babestu zutela
Istiluak izan dira bart, Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.
San Joan bezperan Donostiako Konstituzio plazan dantza egin du Udalbatzak, ohiko legez, lizar lerdena lekuko
Udalbatzak esku dantza tradizionala dantzatu du, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera. Behin esku dantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.
Andres Krakenberger: "Pablo Ibarren familia itxaropentsu dago, baina tentuz"
1994an Floridan (AEB) egindako hilketa hirukoitzagatik zigortutako Pablo Ibarren defentsak lekuko berri bat duela ziurtatu du. Lekuko horrek Ibar zigortu zuten krimenaren benetako egileak diren bi pertsona identifikatu ditu, eta horrek Ibar errugabetuko luke. "Egia esaten ari dela frogatzen duten zantzu sendoak daude", ziurtatu du Andres Krakenbergerrek, Pablo Ibar Heriotza Zigorraren Aurkako Elkarteko bozeramaileak.
LEAko arduradunak lanean ari dira, suak kiskalitako instalazioak berreraikitzeko
LEAko langileek aste honetan bertan enpresarekin biltzea espero dute, bere etorkizunari buruzko xehetasun gehiago jakiteko. LEAren zuzendaritza gaur bilduko da lan-arloko abokatu batekin eta lan-ikuskaritzarekin. Arabako Foru Aldundia ere lanean ari da LEAri ahal den neurrian aurrera ateratzea errazteko.