TRAFIKO ISTRIPUA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

62 urteko motorzale bat hil da Iguzkitzan, furgoneta baten aurka talka eginda

Ezbeharra 13:38 aldera jazo da, Galar eta Viana herrien arteko NA-1110 errepideko 42,4 kilometroan.
Istripua izan den tokia. EITB
Istripua izan den tokia. EITB

AGENTZIAK | EITB MEDIA

Azken eguneratzea

62 urteko motorzale bat hil da ostegun arratsalde honetan Iguzkitzan, NA-1110 errepidean, furgoneta baten aurka talka eginda.

SOS Nafarroak 13:38an jaso du ezbeharraren abisua, eta gertakarien lekura mobilizatu ditu Lizarrako parkeko suhiltzaileak, inguruko mediku taldea, anbulantzia medikalizatu bat, anbulantzia konbentzional bat, helikoptero medikalizatu bat eta Foruzaingoaren Trafikoko patruilak, Nafarroako Gobernuak jakinarazi duenez.

Ezbeharra Azketako kontzejuan, Iguzkitzako udal mugapean, dagoen NA-1110 (Galar-Viana) errepideko 42,4 kilometroan gertatu da, eta motorzaleak aurrez aurre egin du talka auto batekin.

Mobilizatutako larrialdi zerbitzuek ezin izan dute ezer egin motorzalea salbatzeko, eta 62 urteko gizona lekuan bertan hil da.

Gizonaren gorpua Nafarroako Auzitegi Medikuntzako Institutura eramango dute, autopsia egin diezaioten. Foruzaingoko Argiketen Brigadako kideak ezbeharraren izapideak egiten ari dira.

Gizartea Trafiko Istripuak Nafarroa Eguneko Titularrak

Zure interesekoa izan daiteke

Gehiago ikusi
Publizitatea
X