Gizon bat atxilotu dute Bilbon zenbait pertsonak lo egiteko erabiltzen zuten pabiloi bati su emateagatik
Ertzaintzak 33 urteko gizon bat atxilotu zuen atzo, larunbata, Bilbon, erabiltzen ez zen industria-pabiloi batean sute bat nahita piztea egotzita, Eusko Jaurlaritzaren Segurtasun Sailak jakitera eman duenez. Gaua igarotzen ari zen bertan, hainbat pertsonaren ondoan, eta horietako batzuekin liskarra izan zuen. Biktimetako bik osasun-laguntza jaso behar izan zuten.
Atzo, 23:15 aldera, Ertzaintzari jakinarazi zioten sute bat piztu zela gaur egun erabiltzen ez den industria-nabe batean, Zorrotzaurreko Erriberan, eta inguruan zaintza-lanak egiten ari ziren agenteak bertaratu ziren. Hara iritsitakoan, pabiloiko leihoetatik sugarrak ateratzen ari zirela ikusi zuten, eta pabiloiaren kanpoaldean hainbat pertsona omen zeuden, horietako hiru ihes egiten saiatzen ari zen gizon batekin borrokan.
Ertzainek susmagarria identifikatu eta pabiloian jende gehiago ez zegoela egiaztatu ostean, suhiltzaileak sua itzaltzeko lanekin hasi ziren.
Egoera kontrolatu ondoren, hainbat lekukok baieztatu zuten atxikita zuten pertsonak, gaua pabiloian igarotzen zuten beste pertsona batzuekin aurrez liskarra izan ondoren, gortinak erre eta gasolina bota zuela haien gainera, eta bertan zeuden pertsona guztiak presaka ihes egitera behartu zituela, sugarrek ez harrapatzeko.
Horren aurrean, eta beharrezko egiaztapenak egin ondoren, sutearen ustezko eragilea atxilotu zuten, giza hilketaren saiakuntza-delitu bat egotzita. Biktimetako bi ospitale batean artatu behar izan zituzten.
Ertzain-etxean beharrezko eginbideak amaitutakoan, epailearen aurrera eramango dute.
Albiste gehiago gizartea
Ibai Uribek Mandubiara 25 aldiz igotzeko erronka gainditu du, aitaren omenez: "Minak ez du ideologiez ulertzen"
Indarkeriak bere familiari jarri zizkion aldapen metafora gisa planteatu zuen erronka hau Ibai Uribek. Azkenean, hunkituta eta eskertuta agertu da, senide, lagun eta aita bezala ETAren helburu izan ziren beste pertsona batzuengandik jaso duen babesagatik.
Gizon bati Torre Pachecon egindako erasoan inplikatutako hirugarren pertsona bat atxilotu dute Errenterian
Ertzaintzak Errenterian atxilotu egin du, Irunera zihoan tren bat hartzera zihoala, antza denez, muga zeharkatzeko asmoz. Gertakaria aitzakia hartuta, istilu arrazistak izan dira hainbat gauetan, Murtziako herrian. Espainiako ultraeskuinak pertsona migratzaileen ehiza abiatu du Torre Pachecon.
Ordiziak "onartezintzat" jo ditu igandeko istiluak, eta jaiak "errespetuz" bizitzeko deia egin du
Udaleko Bozeramaileen Batzordeak, talde politiko guztien babesarekin, adierazpen instituzionala onartu du. Testuan gogorarazi dutenez, elkarbizitzak "errespetua eta erantzukizuna eskatzen du".
Joseba Asironek "bikaintzat" jo ditu gaur amaituko diren sanferminak
"Balorazioa oso ona da, are gehiago, sanferminak bikainak izan direla esango genuke", adierazi du Iruñeko alkateak. Hala ere, Asironek onartu du itzalak ere izan direla aurtengo jaietan, sexu-erasoak esaterako.
Arabako hainbat herrik milurtekoa ospatu dezakete aurten
1.000 urte betetzen dira Arabako 307 herri lehen aldiz agiri batean agertu zirenetik. 'Donemiliagako goldea' du izena eta herri horiek ordaindu behar zituzten zergak zehazten ditu. Erdi Aroko dokumentu horri esker, badakigu Agurain, Zuia, Kuartango edota Trebiñu herriak hor zeudela gutxienez duela mila urte.
Emakundek ohartarazi du emakumeek oraindik ere beren gain hartzen dituztela zainketa gehienak eta lan-prekarietate handiagoa jasaten dutela Euskadin
Emakumeek adingabeak zaintzeko eszedentzien % 87 eta senideak zaintzeko eszedentzien % 72 beren gain hartzen jarraitzen dute, nahiz eta legezko aurrerapenak izan diren berdintasunezko baimenetan.
Bi sexu eraso egin dituzte Iruñean azken orduetan; horietako bat, "intentsitate handikoa"
Erasoak astelehen honetan eman dira ezagutzera Babes Zibileko Batzordean, eta horietako bat "intentsitate handikoa" da.
Sanferminetako "Gaixoa ni", zuzenean
Jarraitu zuzenean, 00:00etatik, Udaletxe Plazatik.
Lamine Yamalen urtebetetze festan Desgaituen aldeko Legea urratu ote zen ikertzea eskatu du Espainiako Gobernuak
Eskubide Sozialen Ministerioak kirolariaren 18. urtebetetze jaian nanismoa duten pertsonak iraindu ote ziren argitzeko eskatu du; izan ere, legeak ez du zigorrik ezartzen, baina ekintza horiek duela orain dela hiru urte debekatu zituen.
Igandeko istiluak "onartezinak" direla esan du Ordiziako alkateak, eta Bozeramaileen Batzordea deitu du
Adur Ezenarrok azpimarratu duenez, liskarretan "ordiziar batzuei ere eraso egin zieten". "Horrelako jazoerek ez dute lekurik Ordizian", gaineratu du.