Zubietako erraustegiaren inguruko ikerketei "entzungor" egitea leporatu diote Gipuzkoako Aldundiari
Zubietako erraustegiaren aurkako elkarretaratzea egin dute larunbat honetan Donostian, Gipuzkoako Foru Aldundiaren eraikinaren aurrean, Errausketaren Aurkako Mugimenduak deituta. Helburu nagusi bat izan du gaurko mobilizazioak: Gipuzkoako Aldundiak erraustegiak eragiten duen kutsaduraz ohartarazten duten ikerketei "entzungor" egiten diela salatzea.
Dozenaka lagun batu dira 'Erraustegiak egunero kutsatzen gaitu. Erraustegia gelditu' lelopean egin den giza katera. Gipuzkoa plazan zehar, gainera, erraustegiaren eta, mugimenduaren ustez, hark sortzen duen kutsaduraren inguruko 40 informazio kartel baino gehiago jarri dituzte, jendeak irakur zitzan.
Kepa Olaiz mugimenduko bozeramaileak Euskadi Irratiari azaldu dionez, "erraustegiak martxan jarraitzen du, eta kutsatzen jarraitzen du, eta datuak ditugu bai BioDonostiak emandakoak bai eta Holandako enpresa independente batek ematen dituenak".
Herbehereetako enpresa independente hori Toxicowatch da. Horren arabera, Zubietako erraustegiak sortzen duen kutsaduraren datuak "kezkagarriak" dira. Olaizek salatu duenez, Gipuzkoako Aldundiak "ukatu egiten ditu eta zalantzan jartzen ditu enpresa horren datuak". Mugimenduaren ustez, ikerketa honi entzungor egitea larria da, enpresa horren eskamentua eta Europa mailan duen sona kontuan hartuta.
Horien hitzetan, Jose Igancio Asensio Gipuzkoako Jasangarritasun diputatuak "ez dio sinesgarritasunik ematen Toxicowatch-en datuei". Horren aurrean, eta ikerketek datu kezkagarriak ematen jarraitzen duten bitartean, Errausketaren Aurkako Mugimenduak elkarretaratzeak egiten jarraitzeko asmoa iragarri du.
Zure interesekoa izan daiteke
Gizon batek bikotekidea hil du Zaragozan
Auzokideek Polizia Nazionalari deitu diote, bikotearen etxean liskar gogor bat izan dela jakinarazteko. Patruila bat bertaratu da, eta emakumearen gorpua aurkitu dute, labankadak dituela. Ustezko hiltzailea dagoeneko atxilotu dute.
Zeintzuk dira Forbeseko aberatsenen zerrendan agertzen diren bost euskal herritarrak?
Daniel Mate donostiarra, Glencoreri lotua, euskal ordezkaritzaren buru da Forbesen zerrendan. Ondoren, De Urrutia, Ybarra, Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten pisuari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.