Duela bi urte Hondarribian lapurtutako 30.000 euroko erloju bat berreskuratu du Ertzaintzak
Duela bi urte Hondarribian (Gipuzkoa) lapurtutako 30.000 euroko erloju bat berreskuratu du Ertzaintzak Helsinkin (Finlandia), eta bere jabeari itzuli dio asteburu honetan Irunen, Ertzaintzak berak ohar baten bidez jakitera eman duenez.
Lapurreta 2023ko apirilean gertatu zen, adineko bikote bat Hondarribiko bere etxebizitzara sartzera zihoanean. Emakume bat ibilgailu batetik jaitsi zen, eta ostatuei buruzko informazioa eskatu ondoren, soinean zeraman erlojua indarrez kendu zion gizonari, kolpeka, eta ihes egin zuen.
Salaketa jarri ondoren, Ertzaintzak ikerketa abiatu zuen, ihes egin zuten ibilgailuan zihoazen erasotzailea eta bidaiaria identifikatzeko. Ertzaintzak ustezko lapurra identifikatzea lortu zuen, eta ikertu gisa geratu zen. Antzeko delituengatik aurrekari polizial ugari dituen emakume bat da, baina ezin izan zuten aurkitu atxilotu ahal izateko.
Hala ere, lapurtutako erlojuaren berezitasunak direla eta (30.000 euroko gama altuko kronografo bat da), horren desagerpenari buruzko nazioarteko alerta bat igorri zuten.
Erlojua duela gutxi atzeman zuten Helsinkin (Finlandia), herritar batek konpontzera eraman zuenean. Finlandiako Poliziak erlojua berreskuratu zuen, eta Kanpo Lankidetzarako Unitatearen eta SIRENE Bulegoaren bidez, dagozkion kudeaketak egin ziren, jabeari itzultzeko.
Larunbat honetan, Irungo ertzain-etxeko agenteek erlojua itzuli diote biktimari. Esker ona agertu du, erlojua senide batek oparitutakoa baita.
Zure interesekoa izan daiteke
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.