Gerra Zibilean eraildako pertsona baten gorpuzkiak berreskuratu dituzte Genevillan
Nafarroako Memoriaren Institutuak 2025eko Desobiratze Programaren baitan egindako lanei esker, pertsona baten gorpuzkiak berreskuratu dituzte Genevillan. Astebeteko epean udalerri horretan lurpetik atera duten bigarren pertsonaren gorpuzkiak dira gaur berreskuratutakoak.
Aranzadi Zientzia Elkartearen lantalde teknikoak burututako azterketari etekina atera diote, hortaz; izan ere, bizilagunek emandako informazioa baieztatu dute horrela. Hain zuzen ere, herritarrek esana zuten NA-743 errepidearen eskuineko arekan, Cabredora bidean, pertsona bat zegoela lurperatuta.
Horrela, 1936ko estatu kolpearen ondoko hilabeteetan erail zuten pertsona horren gorpuzkiak bilatzeari ekin zioten. Bizilagunen lekukotzen arabera, mendabiar baten gorpuzkiak atera dituzte gaur. Batzuek zehaztu dute Mendabiako alkate izandako gizon batenak izan litezkeela, garai hartan Dionisio Salcedo Sadaba eta Jesus Pastor Fernandez alkate ohiak hil baitzituzten. Oraingoz, baina, ez dute identifikatu.
2015etik, Nafarroako Gobernuaren Desobiratze Programa abian jarri zutenetik, 158 pertsonaren gorpuzkiak atera dituzte lurpetik 34 tokitan. Horrez gain, 121 toki aztertu dituzte, arrakastarik gabe. Datozen asteetan ere, lanean jarraituko dute, aurtengo urtarrilean onartutako planari jarraikiz.
Zure interesekoa izan daiteke
Arguedaseko agintariek eta auzokideek Saida El Yousifen hilketa gaitzetsi dute
Elkarretaratze jendetsua egin dute Udaletxeko plazan. Gainera, Udalak hiru dolu-egun ezarri ditu herrian.
Gizon batek bikotekide ohia hil du kalean, Figueresen (Girona)
Gizona astelehen honetan ere atxilotu zuten, emakumearenganako urruntze-agindua urratzeagatik.
Mangoren sortzailearen semea aske utzi dute milioi bateko fidantza ordaindu ostean
Enpresaburua 2024an hil zen, Montserrat inguruan, amildegitik behera erorita. Semea eta biak bakarrik zeuden ezbeharraren unean. Hasiera batean, istripua izan zela uste izan zen eta auzia artxibatu zen. Handik gutxira, baina, zantzu berriak agertu ziren, eta epaileak kasua berriz zabaltzea erabaki zuen. Haren semea dago orain ikerketapean, ustezko hiltzaile gisa.
Auzitegi Gorenak eutanasia eskaria errekurritzeko eskubidea aitortzen die eskatzailearekin lotura "estua" dutenei
Kataluniako Generalitatearen helegite bat atzera bota du Gorenak. Gizon batek semeari onartutako eutanasia errekurritzea ontzat eman zuen sententzia batek, eta haren aurka aurkeztu zuen helegitea Exekutibo kataluniarrak.
Maria Ubarretxena: "Azken erabakia FIFArena izango da"
Maria Ubarretxena Eusko Jaurlaritzaren bozeramaileak azaldu duenez, FIFAren erabakia 2027ko urtarrilean iritsiko da. Oraindik zazpi hilabete gelditzen diren honetan, lasaitasun mezua zabaldu du.
Ebola zer den ulertzeko gakoak
Birus bat da ebolaren eragilea, eta sei mota bereizi dira: Sudan, Zaire, Reston, Cote d'Ivoire (Boli Kosta), Bundibugyo eta Bombali. Txertoek eta onartutako tratamenduek Zaire aldaeraren aurka funtzionatzen dute. Afrikako erdialdea astintzen ari diren Sudan eta Bundibugyo anduiak tratatzeko, berriz, oraindik ez dago txertorik.
Amaitu dira N-1 errepidean, Tolosa parean, bi kamioi matxuratuk eragindako auto-ilarak
Usabalgo industrialde parean hasi eta Alegiaraino iritsi dira, une batez, auto-ilarak. Matxuratutako bi kamioiak elkarrengandik oso hurbil zeuden, eta, ondorioz, errei bat itxi egin behar izan dute.
Zergatik uko egiten diote zenbait hirik Munduko Txapelketaren egoitza izateari? Hauek dira FIFAren eskakizunak
Gijonek, Malagak eta Coruñak, besteak beste, atzera egin dute, antolakuntza- eta inbertsio-eskakizunak zorrotzegiak direla argudiatuta. FIFAk zerga-salbuespena eskatzen du, egoitza izatea errentagarria ez den arren, txosten batzuen arabera.
Gutxienez 3 kilometroko auto-ilarak A-15 errepidean, Andoainen, hainbat ibilgailuren arteko istripu bat izan delako
Errepidea itxita egon da denbora batez istripuaren ondorioz, eta zirkulazio-arazo handiak sortu dira Donostiarako noranzkoan.
Albiste izango dira: Erailketa matxista Arguedasen, zalantzak gizonezkoen futboleko Mundiala hartzeko Bilboren hautagaitzari buruz eta Ebola agerraldia Afrikan
Gaurkoan Orain-en albiste izango direnen laburpena, bi hitzetan.