Orexa, estaldurarik gabe jarraitzen duen herria
Gipuzkoako Orexa herriak Europako zati batek jasandako itzalaldiaren ondorioak pairatzen jarraitzen du: estaldurarik gabe daramatzate zazpi aste. Movistar konpainiak ez die irtenbiderik ematen eta inpotentzia da nagusi herrian.
Orexak estaldurarik gabe jarraitzen du, joan den apirilaren 28an Europako zati batek jasan zuen itzalaldia ezgeroztik. Zazpi aste hauetan, biztanleek lortu dute egokitzea eta egunerokotasunarekin jarraitzea, baina, hala ere, askok onartzen dute estaldura falta horrek eguneroko zereginak zailtzen dituela eta funtsezko zenbait zerbitzu eskuratzeko aukera mugatzen duela.
Udalak herriko ostatuan jarri zuen antena ez da antena arrunt bat, zuntz optikoaren seinalea hartu eta ondoren 3G-az baliatuz, seinalea sortzen duen anplifikadore baten antzekoa da. Orduan herriko alkate zen Eneko Maiozek azaldu duenez, azpiegitura horrek arazo teknikoak izan zituen iraganean ere, baina beti konpondu izan dira denbora gutxian. Hala ere, mantentze-lanen konplexutasun teknikoa dela eta, udal taldeak Movistar konpainiari utzi zion kudeaketa, eta ordutik, horiek arduratzen da zerbitzuaz zein mantentze-lanez. Herriko bizilagunek, behin eta berriz eman dute matxuraren berri, baina konpainiak ez die konponbiderik eskaintzen, ez die teknikaririk bidali matxura konpon dezaten.
Zuntz optikoak martxan jarraitzen du etxe eta eraikin publikoetan, eta, horri esker, herritarrek Internet zerbitzua erabiltzen jarraitu dezakete espazio horietan. Horrek irtenbide bat ematen die egoiliarrei; izan ere, WiFi-ra konektatzean, auzokideek deiak egiten jarrai dezakete mezularitza-aplikazioei eta bideo-deiei esker.
Hori gutxi balitz, herrian erabiltzen dituzten sistema osagarriei ere eragiten die estaldura faltak, hala nola datuak jaso eta alertak bidaltzen dituzten eguzki plakei. Horiek ere funtzionatzeari utzi baitiote orain.
Bizilagunek inpotentzia sentitzen dute orokorrean. Orexa Bizirik kolektibotik, egoera "etsigarritzat" jo du haien koordinatzaileak.
Gizarteari buruzko albiste gehiago
Euskara larrialdi egoeran dago, eta 2036rako arnasgunerik gabe geratzeko bidean
UEMAren eskariz Siadeco-k egindako ikerketa batek erakusten duenez, hamar urteren bueltan euskararen ezagutza maila apalagoa aurreikusten da eta inguruan erdarak izango dira nagusi. Azken 30 urteotan hezkuntza-arautuko hizkuntza eredu euskaldunei esker eusten dio EAEk euskaldunen pisuaren hazkundeari. Nafarroan, oinarri horren faltan, behera egiten hasiko da.
Covid iraunkorra eta zeliakia gaixotasun kronikoen zerrendan sartu dituzte
Espezialisten eta pazienteen iritzian, aurrerapausu handia izango da, bai gaixotasunaren tratamenduan, baita egunerokotasunean behar dituzten laguntzetan ere. Bi gaitz horiekin batera, polioaren ondorioak eta min kroniko ez-onkologikoa ere sartu dituzten zerrendan.
9 urteko espetxe-zigorra berretsi diote 15 urteko alabari sexu-erasoak egin zizkion gizonari
Amak alabaren aurka deklaratu duen arren, Nafarroako Justizia Auzitegi Nagusiko Arlo Zibileko eta Zigor-arloko Salak adingabearen testigantza "sinesgarria, fidagarria eta koherentea" dela adierazi du, baita "oso zehatza" ere. Hori dela eta, Probintzia Auzitegiak apirilean ezarri zion zigorra berretsi du orain.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Zergatik ikusten dira hain emakume gutxi entzierroetan?
Sanferminetako entzierroan emakumeek lehen aldiz parte hartu zutenetik 50 urte igaro diren arren, oraindik ere entzierroa korritzen duten emakumeen kopurua gizonena baino askoz txikiagoa da. Emakumearen presentziak gora egin du ia alor gehienetan azken hamarkadetan, baina zergatik ez da gauza bera gertatzen entzierroetan?
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte hezitzaile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?