Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
Guardia Zibilak 50 urte inguruko gizon baten gorpua aurkitu du Asturiasko uretan. Lehen ikerketen arabera, baliteke maiatzaren amaieran Bakioko (Bizkaia) hondartzara joan zenean desagertu zen pertsona izatea.
Asturiasko Guardia Zibilaren iturrien arabera, hilotza atzo aurkitu zuten, 15:00ak aldera, itsaso zabalean, Lastres-Colunga mendatearen perpendikularrean.
Guardia Zibilaren ontzi bat bertaratu zen, eta gizonaren gorpua berreskuratu zuten. Bakion desagertutako gizonaren deskribapenarekin bat dator.
Gorpuzkiak Oviedoko Auzitegi Medikuntzako Institutura eraman zituzten, autopsia eta identifikazio lanak egiteko.
Desagerpena
Maiatzaren 27an desagertu zen 52 urteko gizona Bakioko hondartzara joan eta gero.
Larrialdi zerbituzk bere gauzak hondarretan aurkitu zituzten eta autoa hondartzaren ondoan aparkatuta, baina ez zegoen bere arrastorik.
Matxitxakoko lurmuturraren eta Lemoizen artean aritu ziren bila baina ez zuten aurkitu.
Ertzaintzaren Zaintza eta Erreskate Unitateak parte hartu zuen bilaketa lanetan helikoptero batekin, uretako atalak eta itsasoko Gurutze Gorriak.
Gizarteari buruzko albiste gehiago
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.