Droga-trafikoan ziharduen sare bat desegin dute Iruñean, eta 18 pertsona atxilotu dituzte
Poliziaren arabera, San Fermin jaietarako egun gutxiren faltan, droga saltzeko 10 salmenta-gune desegitea lortu dute, Iruñea, Barañain, Orkoien, Antsoain eta Jakan. 18 atxilotuei droga-trafiko delitua eta erakunde kriminaleko kide izatea egozten dizkiete.
Polizia, miaketa batean. Iturria: Iruñeko Udaltzaingoa
Polizia Nazionalak eta Iruñeko Udaltzaingoak 18 pertsona atxilotu dituzte Iruñerrian, droga-trafikoan ziharduen sare bateko kide izatea egotzita.
Atxilotuek egitura hierarkikoa zuten eta zereginak banatuta zituzten, bakoitzak berea. Antza denez, Espainiako hainbat tokitatik jasotzen zituzten substantzia estupefazienteak, eta, ondoren, Nafarroako hiriburuko eta inguruetako 10 puntutan banatzen zituzten.
Operazioaren lehendabiziko faseari ekainaren 2an ekin zioten, eta 10 miaketa egin zituzten agenteek Iruñeko, Orkoiengo eta Barañaingo hainbat etxebizitza, trasteleku eta merkataritza-lokaletan; bederatzi gizon eta bi emakume atxilotu zituzten.
Lau egun geroago, 5 miaketa egin zituzten Iruñean, Antsoainen eta Jakan (Huesca), eta bost gizon eta bi emakume atxilo eraman zituzten.
Oro har, 1.126 gramo kokaina, 52.000 euro eskudirutan eta 1.200 gramo urre atzeman dira, bai eta droga aizuntzeko, manipulatzeko eta banatzeko hainbat elementu ere.
Operazio honekin Poliziak adierazi du San Fermin jaien atarian droga saltzeko gutxienez 10 gune desegitea lortu dutela. Atxilotuak, berriz, epailearen esku daude, droga-trafikoko delituak eta erakunde kriminaleko kide izatea egotzita.
Gizarteari buruzko albiste gehiago
Isuria izan da Sopelako Arriatera-Atxabiribil hondartzan
Salbamendu- eta sorospen-zerbitzuek El Peñón tabernaren inguruan kaltetutako eremua balizatu dute. Gainera, establezimenduaren jabeari bertako saneamendu sistemaren berrikuspenari buruzko dokumentazioa eskatu diote.
Trailer gidari bat atxilotu dute, mozkor egonda Bilboko Portuan ontziratzen saiatzeagatrik
Emakumeak botatako aire litro bakoitzeko 1,19 miligramo alkohol eman ditu, bide-segurtasunaren aurkako delitutzat jotzeko legeak ezartzen duen mugaren (0.60 mg/l) ia bikoitza.
300 milioi pertsonak baino gehiagok kontsumitzen dituzte drogak munduan, helduen % 6k
2025eko Drogei buruzko Munduko Txostenak ohartarazi du kalamua dela gehien kontsumitzen den substantzia (% 77), eta horren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Orain.eus-en aurkezpena: "Albisteak kontsumitzeko modu berriei erantzutea dagokigu"
Gaur aurkeztu da Orain.eus, EITBren plataforma digital berria. Informazioarekin eta gaurkotasunarekin zerikusia duten eduki guztiak bertan jasoko dira. Batez ere 40 urtetik beherakoen informazioa kontsumitzeko modu berrietara egokitutako euskarri jaioberria da.
Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
EHUk gidatutako ikerketa batek gaixotasun larriak detektatzeko 'ehunka' markatzaile identifikatu ditu, listuaren bidez
Ikerketa honek "diagnostiko goiztiarrerako eta doitasunezko medikuntzarako tresna indartsu eta ez-inbaditzaile" bat garatzea ahalbidetu lezake, eta kasu askotan odol-analisiak ordezkatu. "Listua fluido biologiko eskuraerrazenetariko bat da, baina oso gutxi erabiltzen da praktika klinikoan, oraingoz", adierazi du Jose Ramon Bilbao EHUko Genetika Medikoko irakasle eta azterlanaren egile nagusiak.
30 aeroponia-dorre jarri dituzte Biarrizko Aguilera klinikako aparkalekuan
Aeroponia landareak hazteko sistema bat da, aireko edo lainozko ingurune batean ereinda, lurzorurik erabili gabe. Biarritzen baratze bertikal horietako bat eraiki dute, Aguilera klinikako aparkalekuaren erdian, ospitaleko langileei on egiteko. Instalatutako 30 dorreek urtean tona eta erdi barazki ekoizten dituzte. Ekimenaren bultzatzaileek adierazi dutenez, beste laborantza mota batzuk baino sistema eraginkorragoa da.
Bizkaiko Foru Aldundiak Arrontegin A-8 autobidea nola estali aztertuko du, horretarako ikerketa bat bultzatuta
Azterlana beren-beregi kontratatuko da, ez baitago proiektuan sartuta. Eremua estaltzeko alternatibak aztertuko ditu, zarata-mapetan eta bideragarritasun-irizpideetan oinarrituta.