GIPUZKOA
Errenterian atxilotu dute Torre Pachecon gizon bati egindako erasoan inplikatutako hirugarren pertsona bat
Ertzaintzak Errenterian atxilotu egin du, Irunerako tren bat hartzera zihoala, antza denez, muga zeharkatzeko asmoz. Gertakaria aitzakia hartuta, Murtziako herrian istilu arrazistak izan dira. Espainiako ultraeskuinak pertsona migratzaileen kontrako ehizaldia abiatu du Torre Pachecon.
Ertzaintzak joan den astean Torre Pacheco herrian (Murtzia) 68 urteko gizon bati egindako erasoan inplikatutako hirugarren gizona atxilotu du Errenterian (Gipuzkoa). Gertakaria aitzakia hartuta, istilu arrazistak izan dira hainbat gauetan Murtziako herrian. Espainiako ultraeskuinak pertsona migratzaileen ehiza abiatu du Torre Pachecon.
Ikerketako iturriek azaldu dutenez, Guardia Zibilak identifikatuta zuen hirugarren inplikatua, eta Ertzaintzak atxilotu egin du Errenterian, Irunera zihoan tren bat hartzera zihoala, antza denez, muga zeharkatzeko asmoz. Atxilotua Guardia Zibilaren esku utzi dute.
Azken atxiloketa horrekin joan den asteazkeneko erasoan ustez inplikatutako guztiak harrapatu dituzte. Beste bi atxilotuak udalerrian bizi ez ziren marokoarrak dira.
Hiru atxilotuek zer egiten zuten eta erasoaren arrazoia zein izan zen ikertzen ari dira; izan ere, biktima ez zuten lapurtu, eta jo baino ez zuten egin.
Beste zazpi pertsona atxilotu dituzte gorroto-delituekin, erasoekin eta desordena publikoekin lotutako istiluengatik azken egunetan.
Hala, hamar atxilotu, horien artean asteazkenean Torre Pachecoko bizilagunari egindako erasoan inplikatutako ustezko hiru pertsonak; Herritarren Segurtasunerako Legeak ezarritako 30 zigor baino gehiago eta identifikatutako 80 pertsona dira Murtziako udalerrian zabaldutako segurtasun dispositiboaren behin-behineko balantzea.
Identifikatuen artean, udalerrikoak ez diren eta aurrekariak dituzten pertsona asko daude, Mariola Guevara Espainiako Gobernuak Murtzian duen ordezkariak azaldu duenez. Erantsi duenez, dispositiboak martxan jarraitzen du sare sozialetan egindako deialdiei aurre egiteko.
"Lanean jarraitzen dugu Torre Pachecoko eta eskualdeko bizilagun guztien bizikidetza eta segurtasuna babesteko. Ez dugu onartuko udalerritik kanpoko talde erradikalek eta biolentoek bake soziala arriskuan jartzea", gaineratu du.
Gizarteari buruzko albiste gehiago
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20ak aldera gertatu da, eta ez da inor zauritu. AENA enpresa publikoak, suhiltzaileen kamioia kudeatzen duenak, istripuaren nondik norakoak aztertzen ari da.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.