Euskadi, errendimendu akademiko handiena dagoen eta kalitatezko enplegu gehien lortzen den erkidegoen artean
Euskal Autonomia Erkidegoko ikasleak unibertsitatera sartzeko aukera gehien dituztenetakoak dira Estatu mailan. Izan ere, hamasei urtetik gorako biztanleen erdiak eta biztanleria aktiboaren ia bi herenek unibertsitate-ikasketak dituzte.
Euskal unibertsitateak kalitatearen eta dibertsitatearen erreferente gisa finkatu dira, eta errendimendu akademiko handiagatik eta ikasle tituludunak lan-merkatuan sendotasunez sartzeagatik nabarmentzen dira. Hala erakusten dute Euskadiko goi-mailako hezkuntzari buruzko azken txostenek: Lanbidek 2020an unibertsitate ikasketak bukatu zituzten ikasleen laneratzeari buruz egindako azken inkestak, batetik, eta CYD Fundazioak landutako Espainiako unibertsitateak. Ikuspegi autonomikoa. 2025 Euskadi izeneko txostenak, bestetik.
Euskadiko ikasleak Unibertsitatera sartzeko aukera gehien dituztenen artean daude. Hamasei urtetik gorako biztanleen erdiak eta biztanleria aktiboaren ia bi herenek unibertsitate-ikasketak dituzte.
Errendimendu akademikoaren adierazleak Euskal Autonomia Erkidegoan (EAE) kalitatezko prestakuntzaren alde egindako apustuaren isla dira. Euskadi bigarren dago ikasketak aurreikusitako epean amaitzen dituzten graduko tituludunen ehuneko handiena duten autonomia-erkidegoen artean (% 51,4, Estatuko aurrez aurreko unibertsitateen % 42,7ren aldean), eta laugarren, masterreko tituludun kopuruari erreparatuta (% 82,1 eta % 74,8, hurrenez hurren).
Horrez gain, STEM ikasketetan (Zientzia, Teknologia, Ingeniaritza eta Matematika) titulazioak dituzten ikasleen ehuneko handiena duen bigarren erkidegoa da (%29), Asturiasen ia parean (% 29,5) eta Estatuko batezbestekoaren oso gainetik (% 21). Gainera, ingeniaritza titulazioen sailkapeneko buruan dago, % 17ra iristen baita, Estatuko batezbestekoaren % 9aren aldean.
Laneratzea
Euskal unibertsitateetan titulatu direnen laneratzea da euskal unibertsitate-sistemaren indargune nabarmenetako bat, Eusko Jaurlaritzak datuon harira egindako balorazioaren arabera. Lanbideren laneratzeari buruzko inkesta berrienak, 2020ko promozioko datuak hartuta egindakoak, agerian uzten du ikasleen % 88k beren kualifikazioari egokitutako enplegua lortu dutela ikasketak amaitu eta hiru urtera (% 2ko igoera aurreko promozioarekin alderatuta) eta % 76k, berriz, beren titulazioarekin lotura zuzena duen lanpostu batean lan egiten dutela. 2023 urtearen amaieran, 2020ko promozioaren % 85ek bazuten enplegua, eta % 7ek trebatzen jarraitzen zuten.
Euskal ikasleek jasotzen duten "prestakuntza sendoa" da, Jaurlaritzaren esanetan, laneratzeari buruzko datu horien sorburua. Horrela, CYD Fundazioaren txostenaren arabera, Euskadik Estatuko laugarren portzentaje handiena du titulaziora egokitutako enpleguari dagokionez, eta urteko diru-sarrera handienak lanaldi osoko lanagatik. Masterretan ere emaitzak onak dira: bosgarren postuan dago kontratu mugagabeei dagokienez, laugarrenean, lanaldi osoko kontratazioen proportzioan, eta laugarrenean, urteko batez besteko kotizazio-oinarrian.
Ildo horretan, azpimarratzekoa da, halaber, Euskadin laneratze-adierazle onenak dituzten tituludunak ingeniaritzan, industrian eta eraikuntzan graduatutakoak direla, informatika eta osasuna atzetik dituztela.
Gainera, enplegua gero eta egonkorragoa da. Lanbideren arabera, 2020an titulua lortu zutenen % 61ek kontratu finkoa du, aurreko urtean baino 16 puntu gehiago, inoizko daturik onena. Emakumeen artean, egonkortasuna 15 puntu hazi da, % 55eraino. Langabezia-tasa ere % 8ra jaitsi da, azken hamarkadako daturik onena.
Zure interesekoa izan daiteke
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.