Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Nafarroako suhiltzaileek Zarrakazteluko sutea itzaltzea lortu dute ostiral honetan. Sutea larunbatean hasi zen, "giza ekintzagatik", eta sei egun eman ditu piztuta.
SOS Nafarroako iturriek jakitera eman dutenez, sua ostiral honetako 13:00etan itzali dute, eta gaur goizean lanean aritu diren suhiltzaileak parkeetara itzuli dira.
Horren ondorioz, Foru Gobernuak Larrialdiko 2. maila ezarri zuen, eta Espainiako Gobernuaren baliabideak erabili behar izan zituen sua kontrolatzeko. 220 hektarea erre ditu, pinuz betetakoak gehienak.
Astelehenera arte ez zuten lortu asteazkenean kontrolatu zuten sua inguratzea eta egonkortzea.
Nafarroako Gobernuak nekazaritza jarduerak mugatzen dituen Foru Agindua ezarri du berriro, bi eguneko "leihoa" utzi ostean. Nafarroan sute-arriskua oso handia edo muturrekoa da oraindik.
Gizarteari buruzko albiste gehiago
40 ºC-tik gorako tenperaturak izan dira Zornotzan, Iurretan, Bilbon eta Arrasaten
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.
Bi atxilotu Bilboko diskoteka baten irteeran izandako borroka jendetsu baten ondorioz
Hogeita hamar bat pertsonak parte hartu dute gertakarietan. Osasun-langileek ospitalera eraman dituzte zaurituak, horietako bat atxilotu gisa.
Hirugarren pertsona bat atxilotu dute astelehenean Algortan gizon bati egindako erasoagatik
Getxoko Udaltzaingoak 25 eta 20 urteko beste bi gizon atxilotu ditu aste honetan, bi eraso-delitu egotzita.
Kantabria inbaditu duen alga asiarra Bizkaiko hondartzetara iritsi da
Itsasoaren tenperaturak gora egin du eta horrek lagundu du hori gurera hel dadin; Bizkaiko kostaldean ere agertzen hasi da, eta kezka eragin du bainua hartzera joan direnen artean.
Bilboko Konpartsek adierazi dute ez dutela onartuko "eraso sexistarik, arrazistarik edo LGTBIfobikorik", ezta "poliziaren indarkeriarik" ere
Txosnak "erreferentzia-puntuak" izango dira erasoak jasan edo ikusi dituztenentzat.
Gizon baten gorpua aurkitu dute Legazpin
EITBk jakin duenez, hilketa bat izan daiteke. Gorpua Gipuzkoako udalerriko eraikin batean aurkitu dute, senideek haren desagerpena salatu eta bi egunera.