Oscar Guerrero (Israel-Premier Tech): "Zilegi iruditzen zait jendeak protestatzea, baina errespetuz"
Palestinaren aldeko manifestari batzuek eten egin zuten Israel-Premier Tech txirrindularitza taldearen lasterketa, La Vueltako erlojupeko betean.
Palestinaren aldeko manifestari batzuek errepidea eten zuten Espainiako Vueltako erlojupekoan, Israel-Premier Tech taldearen aurka protestatzeko. Horrek geldiunea sortu zuen israelgo taldearen igarobidea, lasterketa segundo batzuez blokeatuz.
Hori dela eta, Radio Euskadiko El Boulevard irratsaioak elkarrizketa egin dio Oscar Guerrero Israelgo taldearen zuzendariri. Honek gertatutakoa gaitzetsi du: "Zilegi iruditzen zait jendeak protesta egitea, baina errespetuz. Kirolariarekin ez sartzea, ez baitute zerikusirik historiarekin".
Oscar Guerrero, Israel-Premier Tech-eko zuzendaria
65-70 km/h-ko abiaduran zoazenean, eroriko bat oso larria izan daiteke "
Guerrerok azaldu duenez, txirrindulariak segurtasun ezarekin eta beldurtuta sentitu ziren ekintzak txirrindularientzat zuen arriskua dela eta; izan ere, batzuek lasterketa uztea pentsatu zuten: "Susto handia izan zen. 65-70 kilometro orduko abiaduran zoazenean, eroriko bat oso larria izan daiteke".
Bestalde, lasterketako antolaluntzak manifestariak salatuko dituela iragarri du. Javier Guillen, La Vueltako zuzendariak, protesta ekintza "indarkeria ekintza" gisa kalifikatu du eta ohartarazi du ez dela berriro onartuko. "Arrazoi bakezaleak oinarri duen edozein aldarrikapen errespetagarria da. Hala ere, gertatutakoak arriskuan jarri ditu korrikalariak", azpimarratu du zuzendariak.
Javier Guillen, La Vueltako zuzendaria
Arrazoi bakezaleak oinarri duen edozein aldarrikapen errespetagarria da. Hala ere, gertatutakoak arriskuan jarri ditu korrikalariak"
Guillenek gogorarazi nahi izan du Israel-Premier Tech-ek "kirol merituengatik" parte hartzen duela itzulian, "ez gonbidapenagatik", eta taldearen segurtasuna "modu berezian" tratatzen ari direla azpimarratu du.
Alarmarik egon ez arren, zuzendariak onartu du antolakuntzaren kezka bestelako gertakaririk egote aldera. Horregatik, zaleen laguntza eskatu du edozein arrisku detektatzeko.
Zure interesekoa izan daiteke
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia hurrengo orduetan kenduko dutela espero dute.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".