Trafiko-murrizketa ugari Bilbon, Vuelta dela eta
Trafiko murrizketa nabarienak Enekuri-Artxanda errepidean, Diego Lopez de Haro kalean, Sabino Aranan eta Euskalduna zubian izango dira.
Vuelta, 2016an, Bilbon. Artxiboko argazkia: EFE.
Bilbok Espainiako Itzuliaren 3. etapa hartuko du gaur. San Mamesetik abiatuko da 13:30ean eta Diego Lopez de Haron amaituko da, 17:30ean.
Etapak trafiko murrizketak eragin ditu bezperatik. Izan ere, asteartean, muntaketa-lanak hasi dira San Mames inguruan, 09:00etatik aurrera. Athleticen partidek izaten duten antzeko eragina izan du trafikoan.
Horrenbestez, Udalak gomendatu du auto pribatua ez erabiltzea, aukerarik egokiena metroa eta trena hartzea delakoan. Izan ere, Bilbobus eta Bizkaibusen ibilbideetan ere mozketak izango dira, baita Euskalduna eta Basurtu arteko tranbia-ibildibeetan ere. Ibilbideak aldatzearekin batera, beraz, ohiko geltokiak mugituko dira.
Halaber, murrizketak izan diren eremuetako garajeetan sartu-irtenak egiteko aldaketak izango dira, bai eta irteerako eta helmugako inguruneetan aparkatzeko erreserbak ere.
Errepide-mozketa nagusiak
Lasterketaren egunean, 06:30 eta 21:00 bitartean Sabino Arana, Abandoibarra eta Kale Nagusiko trafikoa mugatuta egongo da. Hala, 07:00etatik aurrera Kale Nagusirako sarbidea itxita egongo da Jesusen Bihotza eta Moyua artean, baita Anselmo Clave pasealekua eta Kale Nagusirako zeharkaleak ere.
Hala ere, Iparragirre kaleak zeharkako zirkulazioa izango du.
Bestalde, 09:00etatik aurrera eta ekitaldiaren amaierara arte, Euskalduna zubian ez da trafikorik izango, antolatzaileen eta Udal-operatiboko ibilgailuak izan ezik. Gainera, tunel garrantzitsuenak ere, Artxanda, Salve eta Ugasko, itxi egingo dira, bi noranzkoetan, gutxienez lasterketa hasi baino ordubete lehenago.
Ez dago jakiterik noiz irekiko dituzten, Udaltzaingoaren eta Ertzaintzaren esku egongo baita.
Zure interesekoa izan daiteke
Kataluniak dio Collserolan hildako basurde gehienek negatibo ematen dutela Afrikako txerri-izurritean
Ordeig kontseilariak esan du "ia ziur" dagoela gaitza giza faktoreagatik sartu dela AP-7tik edo beste komunikazio bide batetik. "Datozen egunetan jakingo dugu; ez da basurde kutsatu baten bidez sartu, giza faktorea izan da", gaineratu du.
Gutxienez bost kilometroko auto-ilarak AP-8an, Zaldibarren, Bilborako noranzkoan, istripu baten ondorioz
AP-8ko 80. kilometroan, Zaldibarren eta Bilborako noranzkoan, istripu batek errei bat itxita mantendu du, eta auto-ilara luzeak sortu dira, bost kilometrokoak.
Martuteneko eskola zaharra husten hasi dira
Barruan gelditzen ziren azken pertsonak beren kabuz atera dira eraikinetik Polizia iritsi aurretik. Donostiako alkateak jakinarazi duenez, Udaleko Gizarte Ekintzako langileek 80 pertsona ingururekin hitz egin dute eta 50ek onartu dute Ondarretako La Sirena aterpetxean ostatu hartzea.
Albiste izango dira: Donostia, hiri berritzaileenaren Europako saria irabazteko hautagai, abisu horia kostaldean eta Durangoko Azokaren atarian
Gaurkoan Orain-en albiste izango direnen laburpena, bi hitzetan.
Hiri berritzaileenaren Europako saria eskuratu dezake gaur Donostiak
Gorantz doan hiri berritzaileen kategorian finalista izendatu dute Gipuzkoako hiriburua. Nikosia (Zipre) eta Aalborg (Danimarka) izango ditu lehiakide Turinen (Italia), 11:30ean hasita, egingo den ekitaldian.
Beloradoko mojek saltzeko asmoa zuten 30 artelan berreskuratu dituzte, Urduñan
Azaroaren amaieran egindako polizia operazioan artelanak berreskuratu eta Laura Garcia de Viedma abadesa ohia atxilotu egin zuten.
Bilbon euskaraz bizitzeko aldarria egin du GUKA plataformak Euskararen Egunean
GUKA, Bilboko Euskaltzaleon Plaza Askea plataformak, ehunka lagun bildu ditu Bizkaiko hiriburuan. Bilboko auzo guztietan euskaraz bizitzeko aldarria egin dute, eta erdalduntze-makina geldiarazteko eskatu. Euskaraz bizitzeko arnasguneak ezinbestekotzat jo dituzte, baita hizkuntza politika ausartak eta eraginkorragoak bultzatzeko beharra ere.
Hizkuntza gutxituak plataformetan: “Primeranek ehunka eduki eskaini baditzake euskaraz, Netflixek zergatik ez?”
EHUko Nor ikerketa taldeko Josu Amezagak hizkuntza gutxituek ikus-entzunezko plataformetan duten presentzia azaldu du Eusko Legebiltzarrean. Europako herrialdeetan ingelesezko edukiak nagusi direla ohartarazi du, “askotan herrialdeko hizkuntza ofizialaren gainetik”. Hizkuntza gutxituen presentzia, “urria izanagatik ere, hobea da kontzientzia daukaten herrietan”. Bere ustez, politika publikoek eragina izaten dute.
Osasun Ministerioak eta autonomia-erkidegoek arnas-aparatuko birusen aurkako protokolo bateratua adostu dute
Dokumentuak lau agertoki definitzen ditu eta horietako bakoitzean hartu beharreko neurriak proposatzen ditu. Ministerioaren arabera, gripearen, covid eta beste infekzio batzuen aurrean "erantzuna hobetzeko" balioko du.
Euskararen Eguna ospatzeko mintzodromoak antolatu dituzte hainbat txokotan
Euskararen Eguna herri guztietan ospatzen da, aldarri eta aisirako hainbat ekintza eginda. Horren adibide dira mintzodromoak, askotariko gaiei buruz hitz egiteko biltzen diren pertsona talde txikiak.