EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
Euskal Herriko Unibertsitateak (EHU) uko egin die Israelen parte-hartzea duten ikerketa-proiektuei. Joxerramon Bengoetxea errektoreak adierazi duenez, biomedikuntzako eta zientzia konputazionaleko egitasmoak dira gehienak eta 247 milioi euroko finantzaketa dute.
Azken hilabeteetan hartu du EHUk proiektu horiei uko egiteko erabakia. Kasu batzuetan “unibertsitateko ikerketa taldeen erabakia” izan da eta, beste batzuetan, “errektoretza taldearen erabakia".
Bengoetxea errektorea prentsaurrekoan agertu da Bilbon Estitxu Garai Bizkaiko Campuseko eta Komunikazioko errektoreordearekin eta Asier Blas Ikasleen eta Konpromiso Sozialaren errektoreordearekin batera.
Argi utzi nahi izan du 2023ko azaroaz geroztik Euskal Herriko Unibertsitatean ez dela Israelek parte hartzen duen ikerketa-proiekturik sinatu edo berritu. "Palestinako herriaren genozidioaren auzia lehentasuna da gure unibertsitatearentzat", esan du . Horrez gainera, gogorarazi du 2024ko apirilean adostu zutela "Palestinan gizateriaren aurka egiten ari diren krimenak berariaz gaitzesten ez dituzten Israelgo unibertsitate eta erakundeekin harremanak ez izatea eta haustea".
Europako funtsak
Are gehiago, EHUko errektoreak Europako Batzordeari eta Espainiako Gobernuari eskatu die Israelgo unibertsitateak ikerketa, akademiko eta kulturaleko lankidetzara bideratutako funtsetatik kanpo uzteko.
Izan ere, Israelgo ikerketa-taldeek Horizon Europe eta antzerako ekimenetatik funtsak jasotzen dituzte, "Europako ikertzaileen baldintza berberetan, Europaren eta Israelgo Gobernuaren arteko elkartze-akordioa aprobetxatuz".
Bengoetxeak iragarri duenez, EHUko Gobernu Kontseiluak hurrengo bileran aztertuko du enpresekin sinatutako lankidetza-hitzarmen guztietan giza-eskubideak errespetatzeko eta arma-industriarekin harremanik ez izateko klausula bat ezartzea.
Ildo horretan, gogorarazi du duela hilabete batzuk EHUk uko egin ziola CAF enpresarekin, unibertsitateko "bazkide estrategikoarekin", gela bat sortzeari, Jerusalemgo tranbiarako Israeli trenak saltzeko kontratua duelako indarrean. Halaber, EHUn Palestinako ikertzaileentzako ostatu- eta mantenu-beka bat sortzea ere aurreikusten dute.
Gizarteari buruzko albiste gehiago
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.
Ehunka lagun bildu ditu Gasteizen Olarizuko erromeriak, udari agur esateko
Lorazainen grebak apur bat aldatu du festa, hilabeteak igaro baitira azken aldiz zelaietako belarra moztu zutenetik. Hala ere, festa-giroari eutsi diote gasteiztarrek. Babarrun-janak jende ugari erakarri du. Udalbatzako kideek, bestetik, ohikoa dutenez, hiriko mugarrietara bisita egin dute.
Donostian sexu-erasoa egitea leporatuta epaitzen ari diren masajistaren hiru biktimek ateak itxita deklaratu dute
Fiskaltzak eta akusazio partikularrek 45 urtetik gorako kartzela-zigorrak eskatu dituzte akusatuarentzat.
La Vueltak lasterketarekiko eta txirrindulariekiko "errespetua" eskatu du: "Manifestazioak eta kirola uztargarriak ziren"
Javier Guillen La Vueltako zuzendariak "La Vueltak atzo emandako irudia" deitoratu du, azken etapa Israelen aurkako eta Palestinaren aldeko protestengatik bertan behera gelditu ostean. Are gehiago, atzo gertatutakoa "onartezina" dela eta "ez litzatekeela errepikatu behar" uste du.