Abian da Bernedoko udalekuari buruzko ikerketa judiziala, lehen salaketa jarri eta lau hilabetera
EAEko fiskal nagusiak adierazi duenez, maiatzean epaitegira iritsitako polizia-atestatua "linboan" geratu zen. Segurtasun Sailak adierazi duenez, gaur gaurkoz Ertzaintzak lau salaketa ditu erregistratuta, guztiak sexu-askatasunaren aurkako delituak
Bernedoko udalekuei buruzko ikerketa judiziala irekitzeko aurretiazko izapideak abiatu dituzte astelehen honetan, lehenengo salaketa Gasteizko Instrukzioko 3. zenbakiko Epaitegian sartu eta ia bost hilabetera.
Segurtasun Sailak astelehen honetan jakinarazi duenez, gaur gaurkoz Ertzaintzak lau salaketa ditu erregistratuta, guztiak sexu-askatasunaren aurkako delituak
Ertzaintzan lehen salaketa 2025eko abuztuaren 25ean jarri zen, ustez 2021ean eta 2022an Aibagarko udalekuetan eta 2023an eta 2024an Bernedon gertatutakoengatik.
Joan den ostiralean, berriz, irailaren 26an, hain justu, beste hiru salaketa erregistratu zituzten Laudioko, Gasteizko eta Deba-Urolako ertzain etxeetan.
Bernedoko udalekura joan ziren haurren familia batzuek egindako salaketen arabera, monitoreak biluzik dutxatzen ziren 13 eta 15 urte bitarteko neska-mutilekin, eta elkarrekin dutxatzera behartzen zituzten.
EITBri egindako adierazpenetan, Maria del Carmen Adan EAEko fiskal nagusiak adierazi du Fiskaltzak komunikabideen bidez izan duela udaleku horietan gertatutakoaren berri, eta maiatzean epaitegira iritsitako polizia-atestatua "linboan geratu" zela eta ez zituztela "aurretiazko eginbideak hasi, derrigorrezkoa den arren". "Epaitegiari eskatu diogu autoa berehala irekitzeko", gaineratu du.
Astelehen honetan bertan, irailak 29, jakin da abiatu dituztela aurretiazko izapide horiek. Horrekin batera, Gasteizko Instrukzioko 3. Epaitegiko epaileak biktimak deitzea agindu du, Ertzaintzaren atestatuan jasotako datuei erreparatuta. Atestatu horrek Gipuzkoako Foru Aldundiak egindako salaketa jasoko luke, 2024ko tutoretzapeko adingabe baten eta aurreko urteetako kasuak ikertzeko.
Gizarteari buruzko albiste gehiago
Osasun sailburuak ez du parte hartuko Lurralde arteko Kontseiluan, Ministerioaren jarrera salatzeko
Alberto Martinezek salatu du Ministerioak ez dituela kontuan hartu Euskadiren proposamenak, hala nola BAME plazak handitzea eta euskara baloratzea espezialisten formakuntzan.
EAEko fiskal nagusia, Bernedoko udalekuei buruz: "Bidalitako atestatua linboan geratu zen"
Maria del Carmen Adan EAEko fiskal nagusiak adierazi duenez, Fiskaltzak komunikabideen bidez izan du Bernedoko udalekuetan gertatutakoaren berri. "Bidalitako atestatua linboan geratu zen, eta ez zuen bultzatu aurretiazko eginbideak abiaraztea, derrigorrez egin behar diren arren", adierazi du Adanek. "Epaitegiari eskatu diogu berehala ekin diezaiola", gaineratu du.
Lanuzte instituzionala EHUn, Palestinari eta Sumud flotillari elkartasuna adierazteko
'EHU Palestinarekin. Stop Genocide' lelopean, EHUko errektore-taldeak deitutako elkarretaratzeak 11:00etatik 11:30era egin dira Unibertsitateak dituen hiru campusetan.
Euskadin, urtean, 115 kilo janari galtzen dira alferrik pertsonako: 244.000 tona, orotara
Amaia Barredo Elikadura, Landa Garapen, Nekazaritza eta Arrantza sailburuak nabarmendu du Euskadik "nazioarteko erreferente" izan behar duela elikagaiak alferrik galtzearen aurkako kontzientziazioan.
Pasaiako arrantza-ontzi bat Gijongo porturaino eskoltatu du Guardia Zibilak
Kapitainak salatu duenez, 16 tripulatzaileetatik 12k mehatxuak egin dizkiote. Hortaz, Gijongo porturantz jo zuen, "itsasontziari kalterik eragin ziezaioketen beldur". Guardia Zibilak porturaino lagundu zion ontziari, eta ikerketa abiatu du, jazotakoa argitzeko.
Istripua izan da Barakaldo parean, eta auto-ilara luzeak izan dira goizean goiz
Bi ibilgailuk talka egin dute A-8ko 123. kilometroan, Donostiarako noranzkoan, eta errei bat itxi behar izan dute. Auto-ilara luzeak sortu dira inguruan.
Euriengatik ezarritako alerta gorriak 200 l/m2 baino gehiago utzi ditu Mediterraneoko eremuan
Estatuko Meteorologia Agentziak alerta gorria ezarri du Valentziako Erkidegoan, Castellon eta Kataluniako hegoaldean. Valentzian, eskola barik geratu dira milioi erdi ikasle, alerta dela eta.
Ahotsak eta gorputzak identitatearekin topo egiten dutenean
Bidaia intimoa, genero baieztapenerako funtsezkoak diren bi esparrutan zehar: gorgoila txikitzeko kirurgia eta ahotsa moldatzeko logopedia. Guillermo Garcia zirujauak eta Olga Bermudez logopedak azaltzen dute aldaketa horiek, estetikoak eta ahotsekoak, fisikoaz harago doazela: nork bere burua ezagutzea, norbere buruarengan segurtasuna izatea eta identitatea indartzeko urratsak dira.
Valentziako larrialdi zerbitzuek Es-Alert mezua bidali dute, euri-jasa bortitzak espero direla-eta alerta gorrian daudelako
Aemetek alerta gorria ezarri du Valentziako Erkidegoan eta Katalunian, prezipitazio handiak espero direlako. Nafarroa, berriz, abisu horian dago 15:00etatik, euriagatik.