Koordinazio mahai batek "udalekuen sisteman izandako akatsak" aztertuko ditu, Bernedoko salaketen ondoren
Nerea Melgosa sailburuak berretsi du Eusko Jaurlaritzak ez zuela Bizkaiko Foru Aldundiak Bernedoko udalekuari buruz 2019an egindako kexaren berririk.
Ongizate, Gazteria eta Erronka Demografikoko sailburu Nerea Melgosak iragarri duenez, Eusko Jaurlaritzak eta hiru aldundiek koordinazio-mahai bat sortu dute Bernedoko (Araba) kasuaren ondoren adingabeen udalekuen "sistemak izan ditzakeen akatsak" aztertzeko eta araudi berri bat egiteko.
Bilbon egindako prentsaurreko batean, Melgosak esan du hiru foru diputatuekin bildu dela eta koordinazio mahai bat sortzea adostu dutela, "sistemak izan ditzakeen akatsen azterketa bateratua egiteko, gertatutakotik ikasteko eta prozedurak eskura dauden tresna guztiekin indartzeko".
Gai honetan gizarteak "koordinazioa, zorroztasuna eta erantzuteko gaitasuna” eskatzen dituela gaineratu du. "Erreakzionatzeko gaitasuna izan behar da, berriro gerta ez dadin", gehitu du.
Hori dela eta, datorren astean lau erakundeen arteko bilera "teknikoa" egingo dutela jakinarazi du, "araudiari dagokionez zerk huts egin duen ulertzeko".
Melgosak ohartarazi du adingabeen aisialdiari buruzko araudi berri bat egiteko asmoa duela Eusko Jaurlaritzak eta horretan ari zirela Bernedoko udalekuaren kasua argitara irten baino lehen. Indarrean dagoenak urte asko dituela, "errealitatea aldatu dela" eta ez dagoela Gazteriaren Lege berrira egokituta onartu du.
Aldatuko diren alderdietako bat aisialdiko begiraleen prestakuntza eta titulazioa izango da, "aisialdiko eskolek ematen dutena baino ziurtagiri handiagoa" egon dadin.
Sailburuak azaldu duenez, Bernedoko udalekuetan gertatutakoaren ikerketak bi bide jarraitzen ditu. Judizialari dagokionean, lehen bait lehen gertatutakoa argitzeko premia dagoela esan du. Administratiboaren alorrean, berriz, gogorarazi du udalekua kudeatzen duen elkarteak ez ziola bere jardueraren berri eman Arabako Foru Aldundiari.
Melgosaren hitzetan, Eusko Jaurlaritzak ez daki zenbat urte zeramatzan udalekuak jardueren berri eman gabe lanean. Horrez gainera, esan du Jaurlaritzaren erregistroan ez dagoela foru aldundiek aurkeztutako inolako kexarik.
Orain arte, sexu-askatasunaren aurkako delituak argudiatuz, 12 salaketa aurkeztu dira Ertzaintzan. Salaketen arabera, begiraleek dutxa mistoetan dutxatzera behartzen zituzten adingabeak.
Horrelako kasuetan jarduteko aterki juridiko bati buruz galdetuta, Melgosak esan du kargura iritsi zenean hasi zirela araudia berrikusteari buruz hitz egiten.
Gizarteari buruzko albiste gehiago
Kamioi batek su hartu du AP-8 autobidean eta Irunerako noranzkoa itxi egin behar izan dute; 4 km-ko auto-ilarak daude
Kamioi batek su hartu du, 14:00ak aldera. Autobidea itxi egin dute eta zirkulazioa N-634 errepidetik bideratzen ari dira, suhiltzaileak bertan lanean ari diren bitartean.
Guztira, 14.330 pertsonak parte hartu dute EHUren Udako Ikastaroen 44. ekitaldiko 170 jardueretan
Juana Goizueta Gipuzkoako campuseko errektoreordearen ustez, aurtengo ekitaldiak "balantze oso positiboa" utzi du, unibertsitate publikoaren udako ikastaroak "ezagutzaren trukerako eta gizartearen erronka nagusiei buruzko hausnarketa kritikorako topagune" gisa sendotuz. 2026ko ediziorako proposamenak aurkezteko epea azaroaren 1etik 30era egongo da zabalik.
EAEn, 43.000 pertsonak baino gehiagok hitzordua hartu dute gripearen aurkako txertoa jartzeko
EAEn, gaur hasi da arrisku-taldeek eta pertsona zaurgarriek txertoa jartzeko kanpaina. 43.000 pertsonak baino gehiagok eskatu dute txertoa jartzeko hitzordua, horietatik 20.381 80 urtetik gorakoak dira, eta 2.353, haurrak. Gripearen txertoarekin batera, arrisku-taldeei covidaren aurkako txertoa jasotzeko aukera ere ematen zaie.
Arte Ederren Bilboko Museoaren 1970eko eraikina ireki dute, birgaiturik
Arte Ederren Bilboko Museoak berriro ireki ditu 1970eko eraikinaren ateak, birgaiturik dagoela, oraingoan. Irekiera ekitaldia Baselitzen 50 margolanen eta beste lan enblematiko batzuen erakusketa batekin ospatu da.
PPk Bernedoko udalekuak ikertzeko batzordea egitea eskatu dio Legebiltzarrari
Erakundeek eta alderdi politikoek salaketen aurrean izandako jokabidea kritikatu du De Andresek.
Israelek atxilotutako Global Sumud Flotillako lau ekintzaile euskal herritarrak gaur itzuliko dira
Jose Manuel Albares Espainiako Atzerri ministroak jakinarazi du astelehenean aterako direla Israeldik etxera bidean, nazionalitate espainiarra duten beste 24 ekintzailerekin batera. Igandean 21 ekintzaile Madrilera iritsi ziren.
Bilboko metro zerbitzua berrezarri dute Indautxu eta San Ignazio artean, matxura batengatik bi orduz etenda egon ostean
San Ignazio eta Sarriko artean zihoan unitate bat matxuratu egin da eta, horren ondorioz, Indautxu eta San Inazio geltokien arteko trenen zirkulazioa ia bi orduz eten egin dute. Gainera, atzerapenak izan dira gainerako trenetan. Metro Bilbaok jakinarazi duenez, pixkanaka ohiko maiztasunak berreskuratzen joango direla.
Auto-istripua izan da Tafallan, eta 17 urteko mutil bat larri zauritu da
Kopilotua Nafarroako Unibertsitate Ospitalera eraman dute, larri, eta 29 urteko gidaria, berriz, Azkoiengo osasun zentroan artatu dute.
Dibulgazio-aldizkari bateko ilustratzaileak "España" idatzi du Irulegiko eskuaren irudi batean
Arqueología e Historia aldizkariak baskoien historiari buruz egindako zenbakia merkatutik kentzea erabaki du, ilustratzaileak Irulegiko eskuan "Sorioneku" idatzi beharrean "ESPAÑA" idatzi du eta. Argitaletxeak barkamena eskatu du, eta ilustratzaileak, barkamena eskatu ostean, txantxa bat izan zela azaldu du.