Bilboko etxe batean ama giltzapean zuen gizona epailearen aurrera eraman dute
Osasun egoera negargarrian aurkitu zuten emakumea, eta ospitalera eraman zuten. Atxilotuari familia barruko tratu txarrak, legez kanpoko atxiloketa, familia abandonatzea eta animaliei tratu txarrak ematea leporatzen diote.
Biktima etxe honetan aurkitu zuten. Argazkia: EITB
Ertzaintzak 60 urteko gizon bat atxilotu du gaur gauean Bilbon, ama etxean gaixorik eta osasunerako egoera kaltegarrian giltzapean izatea egotzita, Eusko Jaurlaritzako Segurtasun Sailak jakitera eman duenez. Biktima ospitalera eraman behar izan zuten. Atxilotua epailearen aurrera eraman dute.
Aipatu iturrien arabera, asteartean, 17:00ak aldera, Ertzaintzaren patruila batek Bizkaiko hiriburuaren kanpoaldean dagoen etxe batera joateko deia jaso zuen, bertan bizi zen emakumea egoera onean ez zegoela ohartarazteko abisu bat jaso ondoren.
Bertara iritsitakoan, agenteek emakume baten oihuak entzun zituzten etxe barrutik, laguntza eske.
Horren aurrean, barrura sartu ziren, eta osasun egoera makurrean zegoen emakume bat aurkitu zuten logela batean.
Gela hartatik irteteko aukerarik gabe eta abandonu zantzu argiak zituela aurkitu omen zuten.
Osasun zerbitzuek ospitalera eraman zuten, eta bertan geratu zen.
Etxea, oro har, egoera higieniko negargarrian zegoen, eta desnutrizio zantzuak zituzten hainbat txakur ere aurkitu zituzten bertan.
Hori guztia ikusita, haren semea atxilotu dute, familia barruko tratu txarrak, legez kanpoko atxiloketa, familia abandonatzea eta animaliei tratu txarrak ematea leporatuta.
Ertzain-etxean beharrezko eginbideak betetakoan, epailearen aurrera eraman dute.
Zure interesekoa izan daiteke
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina "arratsaldean zehar" kamioia erretiratu arte, beste errepide batzuetatik bideratuko dute trafikoa.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.
Bi gidari hil dira istripuz astearte honetan Nafarroan
56 urteko motozale bat hil da Izaban, motorretik erorita. 60 urteko gizon bat hil da Esteribarren, ibilgailua bidetik irtenda.