Noiz piztuko dituzte Gabonetako argiak Hego Euskal Herriko hiriburuetan?
Bilbo, Iruñea, Donostia eta Gasteiz apaingarriz josita daude jada, eta hiriburu batzuek Gabonetarako egitaraua iragarri dute dagoeneko.
Gabonak hasteko hilabete baino gehiago falta den arren, Hego Euskal Herriko hiriburuak urte amaierarako prestatzen ari dira. Gabonetako dekorazioa jarri dute Bilbon, Iruñean, Donostian eta Gasteizen, eta hiriburu batzuek Gabonetako egitaraua iragarri dute dagoeneko. Baina, noiz piztuko dituzte argiak Hego Euskal Herrian?
BILBO
Bilboko Udalak ez du oraindik ofizialki iragarri noiz piztuko dituzten argiak, nahiz eta ahoz aho dabilen hilaren amaieran izango dela. Berritasun gisa, aurten 24:00ak arte egongo dira piztuta argiak, eta azaroaren 21ean irekiko dituzte izotz-pista eta txirrista.
IRUÑEA
Ohi dutenez, azaroaren 29an piztuko dituzte argiak Iruñean, San Saturnino egunean.
Aurten, aurretik erabili ez diren motiboak, arkuak eta dekorazioa jarriko dituzte. Sorkuntza libreko espazioak berritu dituzte plazan eta udaletxean, Gaztelu plazan eta Karlos III.aren etorbidean, eta hainbat kaletan.
DONOSTIA
Donostian, azaroaren 28an piztuko dira argiak, 500 dronerekin egingo duten ikuskizun batekin. Oraingo honetan, ordea, ez da, iaz bezala, hiru eguneko ikuskizuna izango. Alegia, ikuskizun bakarra antolatuko dute, baina "kalitate handiagokoa".
Ekitaldia 19:30ean hasiko da.
GASTEIZ
Donostia bezala, hilaren 28an argiztatuko dute Gasteiz, Gabonetako 800 motibo nonahi direla. Guztira 270 arku argitsu, 148 irudi eta 325 zuhaitz piztuko dituzte.
Zure interesekoa izan daiteke
Euskadi-Palestina norgehiagoka ikusteko gogoak eta ilusioa agerikoak dira euskal zaleen artean
ETB1en zuzenean eskainiko da bakearen eta elkartasunaren aldarria egin asmo duen neurketa, larunbat honetan, 20:20an hasita. Halaber, eitb.eus-en, Euskadi Irratian, Radio Euskadin eta Radio Vitorian ere jarraipen zabala egingo da horren inguruan.
Palestinarekin Elkartasuna plataformak "probokatzeari uzteko" eskatu dio Zupiria sailburuari
Plataformak "kriminalizazio kanpaina bertan behera uzteko" eskatu dio Segurtasun sailburuari. Euren hitzetan, "guztiz kontraesankorra da biharko partida normaltasunez eta istilurik gabe joatea nahi duela esatea, eta, aldi berean, partidaren aurreko egunetan tentsioa areagotzen eta antolatzaileak probokatzen aritzea ". "Badirudi Eusko Jaurlaritzak bihar istiluak izatea nahi duela", gaineratu dute.
Epaileak auzipetu egin du Iñigo Errejon, Elisa Mouliaa aktoreari ustez egindako sexu-erasoagatik
Instruktoreak hamahiru hilabeteko ikerketaren ondoren hartu du erabakia. Hilabeteotan deklarazioa hartu die Errejoni, Mouliaari, lekukoei eta psikiatrei. Epaileak "koherente" ikusten du Mouliaaren lekukotza; Errejonek, berriz, ukatu egiten du leporatzen zaion erasoa egin izana.
172.000 pertsonak dute diabetesa EAEn, eta herritarren % 7,5i eragiten die
Urtero 9.000 kasu diagnostikatzen dira Euskal Autonomia Erkidegoan, eta 2 motakoa da hedatuen dagoena (diabetes gaixoen % 90).
Hil egin da Barakaldoko sutean leiho batetik erori zen gizona
48 urteko gizona Gurutzetako Ospitalera eraman zuten, larri, sugarretatik ihesi leiho batetik erori ostean. Beste hiru gizon zauritu ziren atzo goizaldean El Carmen kalean izandako sutean.
Aldarrikapena eta elkartasuna izango dira nagusi Euskal Selekzioa – Palestinaren atarikoan San Mamesen
Mobilizazioak antolatu dituzte eta estadioaren sarrera guztiak saldu dira; lasaitasuna eta errespetua eskatu dute.
Arrautzak % 25 garestitu dira EAEn urtebetean, eta % 28 Nafarroan
Urrian % 3,3 garestitu dira EAEn, eta % 4,7 Nafarroan.
Haizeak muturreko erregistroak utzi ditu Euskadin, 180 km/h-ko abiadurarekin haizeguneetan
Hego haizeak 180 km/h-ko ufadak utzi ditu Gorramendin, 160 km/h-ko abiadura hartu du Aralarren eta arazo puntualak eragin ditu aireportuetan.