Yoanna Acedo genero-indarkeriaren biktima omendu eta haren familiari babesa agertu dio Zarauzko Udalak
Gloria Vazquez Berdintasun zinegotziak Yoannaren amak idatzitako gutuna irakurri du: "Amak eta anai-arrebek egiaren, justiziaren, memoriaren eta zure alde borrokatzen jarraituko dugu. Beti gurekin".
Yoanna Acedori Zarautzen egindako omenaldian ateratako argazkia: EFE
Yoanna Acedo indarkeria matxistaren azken biktima omendu dute larunbat honetan Zarautzen Udalak eta herritarrek. Urriaren 15ean hil zuen, ustez, bikotekideak Acedo, eta harek amak idatzitako gutun bat irakurri dute gaurko oroimen ekitaldian.
13:00etan izan da ekitaldia, Lege Zaharren Enparantzan, eta, besteak beste, Xabier Txurruka alkateak eta Gloria Vazquez Berdintasun zinegotziak parte hartu dute bertan. Hain zuzen ere, Yoannaren amaren gutuna irakurri du Vazquezek: "Ez litzateke horrelako omenaldirik egon behar, ez litzateke inoiz Yoannaren izenaren ondoan 'eraila' hitza agertu behar, baina egunero gogoratzen dugu hori dela errealitatea", aitortu du.
Gutun horren bidez, eskerrak eman dizkiete familia "sostengatzen jakin duten" herritarrei eta erakundeei, "egun ilunenetan arnasten jarrai dezagun emandako babesagatik".
Alabak "distira berezia" zuela esan du, "samurra eta gizatasun handikoa" zela. "Oraindik ere ametsak zituen arren, norbaitek etorkizuna kentzea erabaki zuen", salatu du, baina ekintza krudel horrek "ez zuen bere bizitzarekin bakarrik amaitu, gurea ere hautsi zuen eta bete ezin den hutsunea utzi zuen", gaineratu du.
Eraildako emakumearen amaren hitzetan, harengatik jarraituko dute aurrera, "merezi zuen duintasunagatik eta bere izena inoiz itzal ez dadin". "Amak eta anai-arrebek azkeneraino egiaren, justiziaren, memoriaren eta zure alde borrokatzen jarraituko dugu. Beti gurekin", esanez amaitu du gutuna.
Yoanna indarkeria matxistaren biktima izan zela berretsi du Zarauzko alkateak, eta "Yoanna eta bere familia errespetatu behar ditugu", erantsi du. Era berean, emakumeen aurkako edozein indarkeria motaren aurka borrokatzeko beharra azpimarratu du.
Yoannaren ustezko hiltzailea, 47 urtekoa, espetxera bidali zuen epaileak, epaiketa zain. Gizonak aurreko bikotekideen salaketak zituen genero-indarkeriagatik.
----------------------------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan; beraz, ez ahaztu ezabatzea.
Zure interesekoa izan daiteke
Andre Maria Zuria dantzaz eta elkartasunez bete da EITB Maratoiaren erronkaren hasieran
Nico Etxarten Euskal Rock and Roll-aren erritmora, adin guztietako jendea bildu da Gasteizko Andre Maria Zuriaren plazan EITB Maratoiaren erronka solidarioa babesteko. Ekimena bizitza luze eta osasuntsu baten aldeko dantza kolektibo handi batekin hasi da. Egun nagusia abenduaren 18a izango bada ere, dagoeneko martxan dago 33478 BIZUM solidarioa.
Mila pertsona inguru manifestatu dira Bilbon eskola publikoaren alde eta eskola segregazioaren aurka
Mila bat lagunek manifestazioa egin dute Bilbon, Euskal Eskola Publikoaz Harro plataformak deituta, eskola segregazioa arazo "estrukturala" dela salatzeko. Plataformak "politika ausartak" eskatu ditu, eta egungo neurriek, segregazio mahaia barne, sistema "bidegabea" finkatzen dutela kritikatu du. Manifestazioa, "Segregazioaren kontra, publikoa da bidea!" lelopean, Bilboko udaletxean amaitu da, hezkuntza publikoaren aldeko manifestu bat irakurriz.
Bi nerabe hilda agertu dira Jaengo parke batean, indarkeria-zantzurik gabe printzipioz
15 eta 16 urteko bi nesken gorpuak goizaldean aurkitu dituzte. Ikerketa abiatu dute gertatutakoa argitzeko, baina lehen begi-ikuskapenean ez omen da indarkeria-zantzurik antzeman, eta suizidioaren hipotesia darabilte ikertzaileek.
Biosegurtasuna indartzeko deia egin du Jaurlaritzak, Katalunian txerri izurri kasuak antzeman ostean
Aldi berean, ardura, zuhurtzia eta zaintza eskatu die txerrien sektoreari lotutako Euskadiko eragile guztiei, Bartzelonan sei basurde hil baititu izurriak bi egunean. Txerri izurriak, baina, ez die gizakiei eragiten, eta ez da kutsatzen txerri produktuak kontsumituta ere.
Atxilotu egin dute Femenek Francoren omenezko meza baten aurka egindako protestan bi ekintzaileri bularrak ukitu zizkien gizona
Bi emakume gaztek bultzadak eta ukituak jasan zituzten Hamabi Apostoluak parrokian (Madril) Francoren omenez egindako meza baten aurkako protesta batean.
Palestinarekin Elkartasuna plataformak salatu du Gazako su-etena "faltsua" dela eta Israel ez dela bere hitza betetzen ari
Mobilizazioak egin dituzte goizean Bilbon, Donostian eta Gasteizen. Bizkaiko hiriburuan, gainera, Palestinaren aldeko Herritarren Kolektiboak "Gazan hil dituzten 20.000 haurren izenak irakurri ditu banan-banan.
Palestinan eraildako haurren izenen irakurketa jarraitua, Bilbon
Larunbat honetan, Palestinar Herriarekiko Elkartasunaren Nazioarteko Egunean, Palestinako herriari elkartasuna adierazteko elkarretaratzea egin dute Bilbon, Plaza Biribilean, eraildako haur guztien izenen irakurketa jarraitua eginez. Antolatzaileen artean, Gernika-Palestina eta Ongi Etorri Errefuxiatuak izan dira.
Uztaritzeko irakasle bat epaituko dute lau lankideri sexu-erasoa eta sexu-jazarpena egitea egotzita
Irakaslea lanpostutik erretiratu dute behin-behinean, eta abenduaren 9an epaituko dute Baionan. Gertakariak 2019a eta 2024a bitartean jazo ziren.
Beloradoko bi erlijioso behin-behinean aske utzi dituzte, artelanen salmentagatik deklaratu ondoren
Leonen artelanak hartzeagatik salatutako antzinakoen merkatari bat ere aske geratu da. Ikerketak irekita jarraitzen du, oraindik topatu ez dituzten beste ondare-pieza batzuk berreskuratzeko helburuarekin.