Erregimen itxiko zigorrak ezarri dizkiete bi adin txikikori, Donostian beste adingabe bat hiltzen saiatzeagatik
Bi adin txikiko horiek eta martxoan epaituko dituzten bi heldu adingabe bat labankadaz hiltzen saiatu ziren martxoaren 13an, biktimak horietako baten neska-lagunarekin "ligatzen saiatu" zelako eskolan.
Erregimen itxian bi urte eta urte eta erdiko zigor bana jarri die epaileak bi adin txikikori, Donostian, 2025eko martxoaren 13an, beste adin txikiko bat hiltzen saiatzeagatik, hura ikastetxetik atera zenean.
Erailketa-saiakeraren egile material gisa zigortu dute lehen adin txikikoa, eta beharrezko laguntzaile gisa, berriz, bigarrena.
Sententzia irmoa da, eta ezin da errekurtsorik jarri, biek gertatutakoa onartu eta Fiskaltzarekin adostasuna lortu ondoren.
12 urteko kartzela-zigorra eskatuko dute bi adin nagusikoentzat
Adinez nagusiak diren bi pertsona ere nahastuta daude kasuan, eta martxoan epaituko dituzte. Fiskaltzak hamabi urteko espetxe-zigorra eskatzen du eurentzat. Horietako bat jeloskor jarri zelako saiatu omen ziren biktima hiltzen.
Ministerio Publikoaren akusazio-idazkiaren arabera, erasoa gertatu baino 15 egun lehenago, neska batek mutil-lagunari —epaituko duten adin nagusiko bat— kontatu zion ikaskide bat neskarekin "ligatu nahian" zebilela.
Bikotekideak, mendekua hartu nahian, mutil hori hiltzeko erabakia hartu omen zuen, eta bi lagunekin planifikatu zuen erasoa (horietako bat, adingabea). Erasoa gauzatzeko, burua estali eta latexezko eskularruak eta sukaldeko labana bat erabili zituen.
Martxoaren 12an, lau inplikatuak biktimaren ikastetxera gerturatu, eta klaseak amaitu ostean, adingabeari ezustean eraso zioten, labanaz lepoa sastatzen saiatuz.
Zorionez, biktimak besoarekin babestea lortu zuen, eta ez zuen lesio larririk izan, baina zauriak jasan zituen sorbaldan eta gerrialdean.
Zaurituta egon arren, ihes egitea lortu zuen biktimak.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.