10 urteko kartzela-zigorra berretsi dute hipikako irakasle batentzat, ikasle adingabe bati sexu-abusuak egitea egotzita
Nafarroako Justizia Auzitegi Nagusiaren arabera, adingabeak 13 eta 15 urte bitartean zituenean jasan zituen sexu-abusuak, etengabe, eta "ez zuen gaitasun eta heldutasun nahikorik" egoera horri aurre egiteko. Gainera, "manipulazio afektiboa" antzeman du, "berezi" sentiarazi nahi zuelakoan.
Nafarroako Probintzia Auzitegiak hipikako irakasle bati irailean ezarritako 10 urte eta egun bateko kartzela-zigorra berretsi egin du Nafarroako Justizia Auzitegi Nagusiak, 13 eta 15 urte bitarteko ikasle bati sexu-abusuak egitea egotzita.
Halaber, 15 urtez, biktimarengandik 300 metro baino gutxiagora hurbiltzeko debekua berretsi du epaileak, baita harekin edonola komunikatzeko eragozpena ere. Horrez gain, akusatuak 8 urteko zaintzapeko askatasuna bete beharko du espetxe-zigorraren ondoren, eta, erantzukizun zibil gisa, 25.000 euroko kalte-ordaina eman beharko dio gazteari, kalte moralagatik. Epai horren aurka helegitea jartzeko aukera dago.
Aurreneko sexu-abusua 2015eko urtarrilean gauzatu zen, zentro hipiko horretako gizonezkoen aldageletan, akusatuak 32 urte zituenean eta biktimak 13 urte. Ordutik aurrera, erasoak ohikoak izan ziren, ia asteroko maiztasunarekin, 2016ko apirilera arte. Urte hartan, abuztutik aurrera, aldizka jasan zituen erasoak 15 urteko neskatoak.
Nafarroako Justizia Auzitegi Nagusiak egiaztatutzat jo du adingabeak "gaitasun eta heldutasun nahikorik ez" zuela egoera horri aurre egiteko, eta "manipulazio afektiboa" antzeman du, "berezi" sentiarazi nahi zuelakoan. Epaiak azpimarratu duenez, biktimak kalte moralak ditu ordutik, eta zailtasunak bere garapenean eta sexu-alorrean.
Auzitegiak aintzat hartu du nagusitasunaren astungarria, eta auzipetua zigortu du, sexu-abusuaren delitu jarraitua leporatuta, biktima 16 urtetik beherakoa baitzen. Defentsak helegitea jarri du absoluzioa eskatuz, eta Fiskaltzak eta akusazio partikularrak errekurtsoa ezestea eskatu dute.
Era berean, Nafarroako Justizia Auzitegi Nagusiak azpimarratu du lekukoen koherentzia; izan ere, garai hartan biktimaren lagunak zirenek berretsi egin dute salatutako jokabideei buruzko kontakizuna.
Azkenik, epaimahaiak ondorioztatu du akusatuak bazekiela adingabeak 16 urte baino gutxiago zituela, "are gehiago" bere irakaslea zelako eta "eskola-uniformea jantzita joaten zelako".
Zure interesekoa izan daiteke
Puenteren esanetan, Adamuzeko trenbideko prebentzio-sistemek ez zuten inoiz alarma-maila gainditu
Gainera, bidea berritzerakoan kalitate-kontrol guztiak gainditu zituela egiaztatzen duten ziurtagiriak erakutsi ditu.
Errepideak moztuta, ferryak eta hegaldiak bertan behera, eta klaseak etenda, Ingrid ekaitzaren ondorioz
Denboraleak elurra utziko du 300 metrotik behera penintsulako ipar-mendebaldean, eta 9 metrorainoko olatuak izango dira igandera bitartean.
Lekuko batek deklaratu du ertzain bat ikusi zuela Amaya Zabarteri ostiko bat ematen
Zabarteren abokatuak uste du testigantza "oso garrantzitsua" eta "funtsezkoa" dela auzirako.
Puente ministroak adierazi du ezbeharraren atariko tesiaren azkartasunak "nolabaiteko lasaitasuna" ematen duela
Oscar Puente Garraio ministroak ziurtatu duenez, Trenbide Istripuen Ikerketa Batzordearen (CIAF) lehen ondorioek "argi uzten dute teknikarien ustez onargarrienak diren tesia", nahiz eta behin betikoak ez izan.
Penintsula ipar-mendebaldeko hainbat errepidetan kamioiei zirkulatzea debekatu diete, elurte arriskuagatik
Garraiolariak ordezkatzen dituzten erakunde nagusiak murrizketa horien aurka agertu dira, "beharrezko aurreikuspenik gabe" inposatu direla eta kamioilari asko "errepidean botata geratzea" eragingo dutela iritzita. Gainera, Asedas supermerkatuen patronalak salatu du murrizketa horiek supermerkatuetan hornidura arazoak eragiten hasi direla.
Gizon bat atxilotu dute Bilbon, urruntze-agindua izan arren adingabeko semearekin ihes egiten saiatu eta istripua eragin ostean
Ibilgailu batek hainbat semaforo gorrian pasa ditu ostiral honetako 05:00 inguruan, eta ertzainak atzetik zituela ikusi duenean, ihes egin du abiadura handian Julian Gaiarre kalearen parean, hiru autorekin talka egin duen arte. Azkenean, azken talkaren ostean, gidaria ibilgailuaren barruan harrapatuta geratu da, eta atera egin behar izan dute.
14 urteko zigorra, emaztea bortxatu eta tratu txarrak emateagatik eta buru-nahasmenduagatik % 65eko desgaitasuna duen seme bat iraintzeagatik
Gipuzkoako Auzitegiko Hirugarren Sekzioak sexu-eraso delitu baten, ohiko tratu txarren bi delituren, ohikoa ez den tratu txarren delitu baten eta bidegabeko laidoen bi delituren egiletzat jo du gizona. Ostiral honetan jakinarazi dizkiote zigor horiek, aldeei epaia ezagutarazteko deitutako saio batean.
Emakume bati Donostian egindako sexu-eraso bat ikertzen ari dira
Eusko Jaurlaritzako Segurtasun Sailaren arabera, erasoa bart gertatu zen Gipuzkoako hiriburuan, eta biktimak sexu-erasoagatik salaketa jarri zuen, bortxaketagatik, antza. Hori dela eta, Ertzaintzak ikerketa abiatu du gertatutakoaren nondik norakoak argitzeko eta ustezko egilea edo egileak aurkitzeko. Donostiako Udalak deituta elkarretaratzea egin dute eguerdian, erasoa salatzeko.
Iruñeko bidaia agentzia bateko jabea atxilotu dute, bezeroei iruzur egin dielakoan
Polizia Nazionalak ohar baten bidez jakitera eman duenez, Madrilgo Barajas aireportuan bi herritarrek jarritako salaketa baten ondotik hasi zuten ikerketa; izan ere, fakturatzera joan zirenean, euren izenean bidaiatzeko txartelik ez zutela jakinarazi zieten.