Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Berrizko Mugimendu Feministak manifestazio zaratatsua deitu arratsalderako, astelehenean herrian izandako eraso matxista larria salatzeko.
Manifestazioa 18:30ean abiatuko da, Udaletxe paretik, eta herritar guztiak deitu dituzte protestan parte hartzera, Berrizko Mugimendu Feministak esan duenez, funtsezkoa delako "komunitate gisa erantzun irmo eta bateratua ematea".
Ohar batean, Berrizko Mugimendu Feministak gogor salatu du erasoa, eta bere mina, haserrea eta amorrua adierazi ditu, halako gertakariek ez dutelako etenik. "Gogor salatzen dugu indarkeria matxistaren adierazpen hau. Min ematen digu eta amorrua sortzen digu halako eraso larriak oraindik gertatzen jarraitzeak. Ez dugu onartzen, ezta onartuko ere, emakumeen aurkako indarkeriaren inolako adierazpenik", azaldu du taldeak.
Bien bitartean, emaztea labankadaz hiltzen saiatzea egotzita Berrizen atxilotutako gizonak ertzain-etxean jarraitzen du, epailearen aurretik noiz igaroko zain, Eusko Jaurlaritzako Segurtasun Sailak jakinarazi duenez.
Hilketa saiakera atzo goizean gertatu zen, 07:20ak aldera. Ertzaintzak telefono deia jaso zuen, Berrizko etxebizitza batean emakume bat sastatzen ari zirela ohartarazteo. Bikotearen lau seme-alabek eta bizilagun batek lortu zuten erasoa geldiaraztea.
Patruilak iritsi zirenean, biktima, 38 urtekoa, larri zegoen, etxebizitza barruan, eta arma zuriz egindako hainbat zauri zituen. Halaber, biktimaren alabetako bat, 15 urteko adingabea, arin zauritu zuen aitak.
Gizonezkoa, 48 urtekoa, kalean atxilotu zuen Ertzaintzak, hilketa saiakera egotzita.
Elkarretaratzea Berangon, Amaiaren hilketa salatzeko
Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina sortzez Berangokoa zen.
Pasa den larunbatean, Bilboko Guardiako Epaitegiak baldintzapean aske utzi zuen bikotekidearen heriotzarekin zerikusia zuelakoan atxilotutako gizona.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.