Imarkoainen piztutako sutea egonkortuta dute eta AP-15 autobidea zabalik da berriro
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da tarteka, baita N-121 errepidea ere, eta gertu dagoen trenbide katenariaren argindar hornidura etenda egon da. Haizea itzaltze lanak zailtzen ari da.
Igande arratsaldean Imarkoainen piztutako baso-sutea egonkortzea lortu dute, Nafarroako Larrialdiek 22:00etan egindako azken eguneratzearen arabera.
21:00etan, txanda egin da suhiltzaileen artean, eta arratsaldean inguru horretan lan egin duten Lizarra, Zangoza, Tafalla eta Cordovillako parkeetako eta BHIF brigadetako langileek Lizarra, Azkoien eta Tafallako suhiltzaileen esku utzi dituzte gaueko itzaltze lanak.
Aginte-postu aurreratua Beriaingo industrialdean ezarri da, suak kaltetutako pinudiaren zaintza errazteko, eta inguruko nekazariak ere lanean aritu dira, Ingurumen Zaindegiak koordinatuta, perimetrazio-lanetan eta suebakiak egiten.
Suak, hala ere, aktibo jarraitzen du, eta, beraz, sua itzaltzeko lanek jarraitzen dute.
Suteak errepide eta tren bidezko trafikoari eragin dio; izan ere, suak batez ere AP-15 eta N-121 errepideen artean dauden zereal soro batzuei eragin die, eta tarteka moztu behar izan dituzte arratsaldean errepideak, keagatik. 20:45ean zabalik gelditu da atzera autobidea.
Sua trenbidearen inguruan dago, eta, hori dela eta, horregatik, katenariaren hornidura elektrikoa eten dute hainbat orduz. Hala, Biurrun eta Noaingo geltokien arteko zirkulazioa eten egin dute. Gainera, Iruñerako noranzkoan zihoan tren bat Unzueko geralekuan geratu da, badaezpada ere. Adifek artatu ditu bidaiariak, trenbidetik gertu dagoen gune batean.
Nafarroako Larrialdietarako Zerbitzuak jakinarazi duenez, 20:50ean Unzueko geralekuan geldiarazitaok trenean zeuden pertsona guztiak ebakuatu dituzte, eta 21:30ean trenbideko zirkulazioa ireki dute berriro, Adifek trenbidea egiaztatu ondoren.
Herritarrei sutearen eremura ez hurbiltzeko eskatu diete, bai segurtasunagatik, bai sua itzaltzeko dispositiboko ibilgailuen zirkulazioa ez oztopatzeko.
Garrak 16:50 aldera hasi dira zereal soro batean, eta hego haize beroaren eraginez, arin zabaldu dira ondoko baso batera.
AP-15a, itxita, bi orduz
Ke zutabe handia ikusi ahal izan da AP-15 autobidetik, eta bertatik grabatu ditu irudiok EITBk, sutea hasi eta gutxira. Iruñeko hegoaldetik ere ikusgai zen kea.
Gerora, autobidea ixtea ebatzi du Foruzaingoak, 56 eta 58. kilometroen artean, bi noranzkoetan. 19:00etan zabaldu dute berriro. N-121 errepidea ere tarteka zarratu dute, larrialdi zerbitzuei pasatzen uzteko.
Foruzainek jakinarazi duenez, pilaketak sortu dira Iruñeko hegoaldeko sarbideetan.
Tafalla eta Cordovillako suhiltzaileak, bi helikoptero, Ministerioaren sua itzaltzeko beste bi abioi, eta basozainak ari dira lanean sua itzaltzeko. Inguruko nekazariak ere euren traktoreekin ari dira laguntzen.
Nekazariek traktoreak erabili dituzte itzaltze lanetan laguntzeko. Argazkia: EFE
Zure interesekoa izan daiteke
Irailaren 5a Tokiko Memoria Demokratikoaren Eguna izendatu dute Irunen
Irungo Udalak Tokiko Memoria Demokratikoaren Egun izendatu du irailaren 5a, Udaleko talde politiko guztien babesarekin. Kolpe militarra, gerra eta diktadura sufritu zituzten irundar guztiak oroitu dituzte gaur.
Ertzaintzak gizon bat atxilotu du Urdulizen, hiru pertsonari botilak jaurtitzea leporatuta
06:20 aldera jazo da erasoa, metro geltokitik gertu. Inguruan 200 bat laguneko talde bat bildu da. Atxilotua aurretik ere atxilotu zuten antzeko gertakariengatik.
Behin-behineko espetxealdia ezarri diote Barakaldoko hilketaren susmagarriari
Barakaldoko lehen auzialdiko guardiako epaitegiak hartu du erabakia.
Hiru pertsona atxilotu dituzte Gernikan, 14 urteko neska haurdun bat ezkontzera behartzea egotzita
Hiru atxilotuak (adingabearen gurasoak eta 27 urteko gizon bat) behin-behinean aske utzi ditu epaileak. Hala ere, auzitegira joan beharko dute deitzen dituztenean. Halaber, 17 urteko mutil baten bila ari dira, haurraren ustezko aita, baina ez dute aurkitu.
Datorren astean hasiko dira Topoaren lurpeko pasanteko trenen probak
Azpiegitura Gabonetan egongo da erabiltzaileko prest, Eusko Jaurlaritzaren aurreikuspenen arabera.
Azpeitiko hilketaren ustezko egilea atxilotu dute Ondarroan
Ertzaintza haren bila ari zen asteartetik, eta azkenean, gaur goizaldean, ustezko hiltzaileak bere burua entregatu du ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Kontrolpean hartu dute Urzainkiko baso-sutea, abuztuaren 14an piztu eta astelehenean bizitu ondoren
Ostiral gauean brigada batek bertan jarraituko du, zaintza-lanak egiten. Joan den asteartean, itzaltze-lanek sutea perimetratzea ahalbidetu zuten, eta, horri esker, su-gune beroen gainean jardun ahal izan zuten. Ordutik, egoerak hobera egin du.
Bederatzi zauritu A-21 errepidean, Irunberrin, bost ibilgailuk talka eginda
Ezbeharra ostiraleko 18:17an jazo da, eta istripuan zauritutako zortzi pertsona Nafarroako Unibertsitate Ospitalera eraman dituzte. Zaurituek hainbat lesio dituzte, batez ere traumatismoak.
Barakaldon ostegunean tirokatu zuten gizona hil egin da
Osteguneko 20:30ean, Lasesarre futbol-zelaiaren inguruan, gizon batek ibilgailu baten barrutik hainbat aldiz egin zion tiro eskopeta batekin.
Epaileak artxibatu egin du Getxoko Irurak Bat jauregitxoaren kasua, hirigintza deliturik eta prebarikaziorik ez dagoelako
Magistratuak uste du higiezina eraistea (2024ko abuztuan egin zen) hirigintza-araudiaren babespean zegoela, eta ondorioztatu du ez dagoela ikertzen jarraitzeko oinarririk. Hamar pertsona ikertu zituzten auzian, tartean EAJko hiru zinegotzi ohi. Testuinguru horretan, Getxoko PPk eta EH Bilduk helegiteak aurkeztuko dituztela iragarri dute.