New York, 'Sandy'k utzitako hondakinetatik suspertu nahian
'Sandy' zikloiak hondamendi handia sortu du AEBetako ekialdean: gutxienez 40 heriotza utzi ditu, sei milioi etxe argindarrik gabe daude oraindik eta kalte materialak hamarka mila milioi dolarrekoak dira, baina jarduera ekonomikoa eta garraio publikoa suspertzen saiatzen ari dira gaur.
Oraindik ere, Manhattango hegoaldea elektrizitaterik gabe dago; etxe orratzek, Broadwayk eta luxuzko eraikinek argindarrik gabe jarraitzen dute.
New Yorken eta New Jerseyn ur maila jaisten ari da, eta, bien bitartean, 'Sandy' Kanadarako bidean dago, baina ahulago.
Michael Bloomberg alkateak baieztatu duenez, Sagar Handian 18 pertsona hil dira. New Jerseyn eta Pennsylvanian seina pertsona hil dira; bina Marylanden, Connecticuten eta Virginian; bana Ipar Carolinan, Mendebaldeko Virginian eta Massachusettsen, eta beste bat HMS Bounty ontzi historikoan (hondoratu egin da).
Kezka nagusietakoa argindarra berriz abiatzea da. Izan ere, 6,6 milioi etxe zerbitzurik gabe daude New Yorken eta New Jerseyn batik bat, baina Connecticuten, Virginian eta Pennsylvanian ere bai.
Zailtasun handiena, baina, New Yorkeko metro zerbitzua martxan jartzea izango da, kalte material handiak izan baititu, uholdeen ondorioz. Hainbat geltoki eta tunel urak hartuta daude.
Ekonomialariak kalteak zenbatzen hasi dira, eta 20.000 milioi dolar ingurukoak izango direla aurrez ikusi dute.
Airelineen sektorea kaltetuenetakoa da, igandetik 18.100 hegaldi bertan behera utzi baitituzte. Atzo arratsaldean Bostongo, Philadelphiako, Washington hiriko eta Baltimoreko aireportuak ireki zituzten, eta gaur New Yorkekoen txanda izango da.
New Yorkeko burtsa ere gaur zabalduko dute, bi egunez itxita egon eta gero.
HAUTESKUNDE KANPAINA
Gaur, Mitt Romney hautagai errepublikanoak hiru ekitaldi egingo ditu Floridan, hots, estatu erabakigarrienetako batean.
Aitzitik, Barack Obama presidenteak gaurko ekitaldi guztiak bertan behera utzi ditu, eta New Jerseyra joango da, kalteak gertutik ikusi eta biktimei babesa adierazteko.
Agintariaren esanetan, "lehentasun nagusia" argindarra berreskuratzea da, eta, horren ildotik, "oztopo" burokratikoak arintzeko eskatu die konpainiei.
Zure interesekoa izan daiteke
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.