Errusia 'Ukrainaren subiranotasuna' urratzen ari dela salatu du NATOk
Errusia "Ukrainaren lurraldetasuna eta subiranotasuna" urratzen ari dela adierazi du Ipar Atlantikoko Kontseiluak, NATOren organo gorenak, eta gertakariek "inplikazio larriak" dituztela ohartarazi du.
"Nahiz eta nazioarteak behin eta berriro eskatu, Errusia Ukrainaren lurraldetasuna eta subiranotasuna urratzen ari da, eta baita nazioarteko konpromisoak ere", adierazi du Anders Fogh Rasmussen NATOko idazkari nagusiak Polonian egindako bilera amaitu eta gero.
Rasmussenen arabera, "gertakariek inplikazio larriak dituzte eremu euroatlantikoaren segurtasunerako eta egonkortasunerako".
Atlantikoko Itunaren IV. artikulua erabili zuen Poloniak bilera deitzeko. Ipar Atlantikoko Kontseiluaren bigarren bilera izan da azken 72 orduetan.
AEBren babesa
Errusiak Krimean egindako "eraso ekintza" gaitzetsi du John Kerry AEBko estatu-idazkariak, eta Ukrainari babesa eman dio.
"Errusiaren eraso ekintza gaitzesten dugu", esan du Kerryk Kieven. AEBko diplomaziaren buruzagiaren ahotan, "Errusia Ukrainan esku hartzeko aitzakia bilatzen ari da".
John Kerry, AEBko estatu-idazkaria, Kieven. Argazkia: EFE
Bestalde, Washington Ukrainari 1.000 milioi dolarreko kreditua emateko prest dagoela iragarri du Kerryk. Barack Obama presidenteak "Ukrainari laguntza ekonomikoa emateko bide guztiak erabiltzeko" agindua eman zuela jakinarazi du Kerryk.
Vladimir Putin Errusiako presidenteak esan duenez, Ukrainako oposizioak "Konstituzioaren kontrako estatu-kolpea egin zuen" boterea bereganatzeko, altxamendu armatu baten bidez.
Misil baten jaurtiketa
RS-12M Topol nazioarteko misil balistiko bat jaurti du azken orduotan Errusiak. Probazko jaurtiketa izan da eta Kapustin Jarreko base militarretik egin dute, Astrakhan eskualdetik, Errusiako agintariek albiste-agentzia lokalei jakitera eman dietenez.
Jaurtiketarekin kezkaturik ez daudela azaldu dute AEBk; izan ere, Krimeako krisia hasi baino lehen eman zion jaurtiketa hori egiteko asmoaren berri Errusiak, AEBko funtzionario batek adierazi duenez.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.