Mahmud Abbasek hiru dolu egun izendatu ditu Palestinan
Mahmud Abas Palestinako Aginte Nazionaleko presidenteak hiru dolu egun izendatu ditu Gazan hil dituzten palestinarren omenez. Izan ere, Israelek Gazaren kontrako operazioa hasi zuenetik dagoeneko 430 palestinar hil eta 3.000tik gora zauritu dituzte israeldarrek.
Wafa Palestinako albiste agentzia ofizialak jakinarazi duenez, Gobernuak hiru dolu egun izendatu ditu "Israelgo Gobernuak igande goizaldean egindako sarraskian Shahaiyan eta Gazan hil dituzten martiriengatik".
Banderak masta erdian jarriko dituzte eta doluarekin bat egiten duten dendariek dendak itxiko dituzte. Gazaren kontrako operazioa hasi zenetik egunik odoltsuena izan da gaurkoa, eta gutxienez 89 palestinar hil ditu Israelek.
Ia ehun palestinar hil ditu Israelek erasoaldirik odoltsuenean
Gutxienez 89 palestinar hil eta ehunka zauritu ditu Israelek gaur, igandea, Gazaren kontrako operazioa hasi zuenetik erasoaldirik odoltsuenean. Horrela, 430 palestinar inguru hil dituzte juduek bi aste baino gutxiagoan, eta 3.000tik gora dira zaurituak.
Igande arratsaldean gutxienez 7 lagun hil dira Israelgo Armadak Gaza erdiguneko etxebizitza baten kontra egindako eraso batean. Beraz, lehen aipaturiko 89 horiei beste zazpi hildako gehitu behar zaizkie.
Halere, Bejamin Netanyahu Israelgo lehen ministroak esan duenez, "Israel edozein neurri hartzeko prest dago Gazan lasaitasuna eta segurtasuna berrezartzeko", CNN telebista kateak zabaldu duenez.
Gainera, Netanhayuren esanetan, "Israelen erantzuna neurrizkoa izaten ari da", eta Hamas mugimenduari "haien borrokaren alde gorpuak pilatzea, zenbat eta gehiago, hobe" egotzi dio.
Era berean, lehen ministro israeldarrak ziurtatu duenaren arabera, "biktima zibil guztiak ez ditu Israelek nahita eragin", eta "ekintza militar bat abiatzerakoan urrunegi heldu nahi ez badugu, Gazan gertatzen ari dena gehiegizkoa da".
Zaurituak ebakuatzeko su-etena
Sayaie auzoko biktimak ebakuatzeko adostutako bi orduko su-etena haustea egotzi dio Israelgo Armadak Hamasi. Gurutze Gorriak egin ditu bitartekari lanak su-etena lortzeko.
"Beste behin su-etena hautsi du Hamasek. Oraingoan, Gurutze Gorriaren bitartekaritzari esker adostu da su-etena. Israelgo Defentsa indarrak erantzuten ari dira", adierazi du Peter Lerner bozeramaile militarrak ohar batean.
Su-etena hasi eta gutxira, palestinarrek hainbat suziri jaurti dituztela salatu du Israelek, eta erasoari indarrez erantzun diotela baieztatu du Israelek.
Israelek bi orduko su-etena baimendu du Gazako Zerrendan, Shayahia auzoaren kontra bonbardaketetan zauritutakoak ebakuatu ditzaten.
Su-etena k hango 13:30etik (Euskal Herrian 12:30) 15:30 bitartean iraungo du, denbora tarte horretan Palestinako hiritarrek eremua ebakuatu ahal izango dute, Israelen arabera, eta auzoko mendebaldera abiatu, Salah a-Din errepidea (Zerrenda goitik behera zeharkatzen du) gurutzatuz.
Oharrean agertzen duenez, "ez da onartuko 'leiho' hori urratzeko inolako saiakerarik".
Operazioa hasi zenetik lehenengo kazetaria hil dute
Bestalde, kazetari palestinar bat hil da, anbulantzia bateko gidariarekin batera, Israelek Shujaiya zigortutako auzoaren kontra jaurtitako bonba baten ondorioz.
Israelek gutxienez 50 palestinar hil eta beste 400 zauritu ditu Shujaiva Gazako auzoan gau osoan egindako etengabeko bonbardaketetan. Zerrendako Osasun Ministerioak "zibilen kontrako sarraskitzat" jo du azken orduotan gertatutakoa. Horrela, 370tik gora dira hildako palestinarrak eta 3.000tik gora zaurituak Israelek Gazaren kontrako erasoaldia abiatu zuenetik.
Al Aqsa Hamaseko telebistan emititutako irudietan, zenbait zibil, horien artean emakumeak eta umeak, lurrean botata ikusi ahal izan dira, eraikinen artean, baita ihesean zegoen beste asko ere.
Milaka palestinar Shujaiya Gazako auzotik (Zerrendako ekialdean) ihes egiten saiatzen ari dira, atzo gauetik Israel etengabean bonbak jaurtitzen -lurrez eta airez- izan delako.
Larrialdi zerbitzuak ezin izan dira biktimak dauden eremura sartu, bonbardaketak etengabekoak direlako, hamar segundoan behin, hain zuzen.
Israelgo Armadak lurrez egindako erasoak areagotu ditu bart, Gazan gehiago barneratuz, 72 ordu inguruan bost soldadu judu hil ondoren.
Lurreko operazioa
Israelgo Armadak iragarri duenez, lurreko operazioa areagotu egin du dagoeneko, ostegun gauean tropek Zerrenda hartu eta gero.
"Indar gehiagok bat egin dute Gazako Zerrendan terrorismoaren kontra egiteko eta israeldarrak ziurtasunez bizitzeko", esan dute ohar labur batean.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.