Duela 70 urte sarraskia bukatu zela gogorarazi du Auschwitzek
Auschwitzetik bizirik atera zirenek eta mundu osoko ordezkaritzek askapenaren 70. urteurrena ospatu dute gaur nazien kontzentrazio-esparruan. Bertan gertatutakoa ez ahaztea eskatu diote preso ohiek nazioarteari.
Gaurko hotz eta elur agertokiak 1945eko urtarrilaren 27an Sobietar Batasuneko soldaduek aurkitutakoaren antzekoa izan behar du. Auschwitz-Birkenauko presoen gatibualdiari amaiera eman zion Sobietar Batasuneko Armadak. Zaindariek kontzentrazio-esparrua abandonatu zuten eta presoak etsita heriotzari itxaroten ari ziren.
Bronislaw Komorowski Poloniako estatuburuak eta anfitrioiak, Francois Hollande Frantziako, Joachim Gauk Alemaniako eta Petro Poroxenko Ukrainako presidenteek bizirik atera ziren preso ohiak lagundu dituzte urteurrenean.
Polonia “Auschwitz-Birkenau eta Holokaustoko memoriaren gordetzailea” bihurtu dela gogorarazi du Komorowskik. Biak “genozidio totalitarioaren” ikurrak direla esan du Poloniako estatuburuak. Tragedia ez errepikatzeko munduari esfortzua eskatu dio Komorowskik.
Hala ere, bizirik atera zirenen testigantzak zeremoniako hunkigarrienak izan dira. Ia 300 preso ohi ekitaldian izan dira eta horietako hiruk hitza hartu dute.
Birenbaum: "Maltzurkeria oro posible da gure munduan”
Halina Birenbaum preso ohi poloniarraren hitzetan, Auschwitzek bost urte martxan eman baldin bazituen, “orduan maltzurkeria oro posible da gure munduan”. Birenbaum Israelen bizi da egun.
Bestalde, “ekin, ez bakarrik gogoratu”, adierazi du Roman Kent AEBetako preso ohiak.
Argazkia: EFE
Poloniako partisanoen papera gogorarazi du Kazimierz Albin preso ohiak. Albin ez da judua eta 10940an Auschwitzera deportatu zuten erresistentziari laguntzeagatik. Kontzentrazio-esparruaren inguruan kementsu borroka egin zuten partisanoek nazien aurka, eta esparrutik ihes egitea lortu zuten presoei laguntza eskaini zieten.
Antisemitismoaren gorakada
Kultura, arte eta zinemako ordezkariak ere Auschwitzen izan dira gaur. “Intolerantziaren betiereko deabruen” eta antisemitismoaren gorakadaz ohartarazi zion atzo Steven Spielberg Schindlerren zerrenda filmeko zuzendariak preso ohien talde bati Krakovian.
Bizirik atera ziren presoek eta ordezkaritzek kandelak piztu dituzte kontzentrazio-esparruko oroitarrian.
Vladimir Putin Errusiako presidentea ez da zeremonian izan. Poloniako agintariek gonbidatu ez dutela salatu du Errusiako buruzagiak. Kontzentrazio-esparrua Sobietar Batasuneko soldaduek askatu zutela gogorarazi du Putinek Moskun.
Sarraskia
Sobietar Batasuneko soldaduek askatu zituzten Auschwitzeko azken presoak, 1945eko urtarrilaren 27an. Milioi bat judu, 64.000 poloniar, 21.000 ijito, 14.000 sobietar eta hainbat nazionalitatetako 10.000 lagun hil zituzten naziek bertan.
Zure interesekoa izan daiteke
Venezuelako 7,2 eta 7,5 magnitudeko bi lurrikarek herrialdearen iparralde osoa astindu eta dozenaka hildako eragin dituzte
Venezuelako agintariek larrialdi egoera ezarri dute, 164 dira dagoeneko hildakoak eta ia mila zaurituak, nahiz eta kopurua nabarmen handitu daitekeen. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Euskal jatorria duen emakume bat, Venezuelako lurrikaran desagertutakoen artean
Hasieran Lehendakaritzak eta familiaren iturriek haren heriotza baieztatu badute ere, erreskate taldeak haren bila ari dira oraindik, eraikin bat behera etorri eta gero.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.