Saudi Arabiak 150.000 soldadu bidaliko ditu Yemenera
Saudi Arabiako Armadak ehun gerra hegazkin eta 150.000 soldadu bidaliko ditu Yemenera, hutien kontrako nazioarteko operazio militarraren baitan, Al Arabiya telebista kateak berri eman duenez.
Aipaturiko hedabidearen esanetan, operazio horretan partzen ari dira Arabiar Emirerri Batuetako, Kuwaiteko, Bahraingo, Qatarreko, Jordaniako, Marokoko, Egiptoko eta Pakistango hegazkinak. Gainera, Egiptok eta Pakistanek itsas armadako kideak ere bidali dituzte. Bestalde, Egipto, Pakistan eta Sudan balizko lurreko operazio militarrean parte hartzeko prest agertu dira.
Hutiak eta Ali Abdula Sale Yemengo presidente ohiaren aldeko indarrak Aden hirira gerturatzen hasi ziren atzo, hain zuzen ere, Abdo Rabbu Mansur Hadi egungo presidentea dagoen tokira. Izan ere, Sana hiriburutik ihes egin zuenetik bertan ezkutatu da.
Saudi Arabiak AEBn duen enbaxadoreak baieztatu du nazioarteko operazioaren hasiera. Adel al Yubeir enbaxadorearen arabera, operazio militarraren helburua Hadiren Gobernu legitimoa babestea eta defendatzea da.
Reuters albiste agentziari egindako adierazpenetan, Al Yubeirrek adierazi du hamar herrialdek osatzen dutela nazioarteko koalizioa eta AEB ez dagoela horien artean.
Hala ere, Etxe Zuriak baieztatu du Barack Obama presidenteak baimena eman duela operazio militarrari "inteligentzia eta babes logistikoa" emateko.
Bestalde, hutien goi kargudun batek gerra deklaraziotzat jo du operazio militarraren hasiera.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.