Espiatzea legeztatuko duen legea onartu du Frantziako Parlamentuak
Manuel Valls lehen ministroak bultzatutako espioitza lege berria onartu dute gaur Frantziako diputatuek. 483 diputatuk babestu dute testu polemikoa, eta 86 ordezkari kontra agertu dira.
Legeak askatasunak murriztuko dituela salatu dute giza eskubideen elkarteek. Gobernuan dagoen Alderdi Sozialistako (PS) eta UMP kontserbadoreko diputatu gehienek babesa eman diote legeari. 1991ko lege bat eguneratu nahi du testu berriak.
Lege proiektuaren aurkako kritika gogorrenak Parlamentutik kanpo entzun dira. Izan ere, askatasunen alorrean atzerapausoa izango dela salatu dute giza eskubideen aldeko elkarteek.
Kritiken aurrean, testua Konstituzio Kontseilura igorriko duela iragarri zuen François Hollande presidenteak, Konstituzioa urratzen ez duela egiaztatzeko. Hori bai, legea onartu eta gero egingo du.
Bozketaren emaitza. Argazkia: EFE
Lege proiektua Manuel Valls lehen ministroak sustatu du, Frantziako zerbitzu sekretuei terrorismoaren aurka egiteko erreminta berriak eta puntakoak emateko.
Horren esanetan, egungo legea 1991koa da, eta garai hartan ez zegoen sakelako telefonorik, ezta Internet ere. Horregatik, lege berriak esparru horietan sakontzea izango du helburu, agenteek ikertzeko eta susmagarriak kontrolatzeko askatasun handiagoa izan dezaten.
Legearen gakoak
Legeak legeztatu egingo du susmagarriei entzuketak eta kontrol elektronikoak egitea. Premiazko uneetan izan ezik, Estatu Kontseiluko epaileek kontrolatuko dute polizien jarduna.
Nolanahi ere, susmagarriak ez ezik, horien senideak, lagunak eta ezagunak ere kontrolatzea baimenduko du legeak, urtarrilean Charlie Hebdo aldizkari satirikoaren aurka atentatua egin zuten Kouachi anaiek emazteen telefonoak erabili baitzituzten elkarrekin komunikatzeko.
Kazetariak, parlamentariak eta abokatuak legetik kanpo geratuko dira, hau da, ezingo dituzte kontrolatu.
Bestalde, mikrofono eta kamera ezkutuen eta espioitza egiteko aplikazioen erabilera ere onartuko dute.
Gainera, Gobernuak informazioa eskatu ahalko die Internet zerbitzua ematen duten enpresei, mehatxu terroristak atzemateko.
Legearen puntu polemikoenetako bat da espioitza neurri guztiak espetxeetan ere ezartzea baimenduko duena. Christiane Taubira horren aurka agertu da.
Legeak erakunde asko haserretu ditu, Informatikaren eta Askatasunen Batzorde Nazionala (sareko pribatutasuna zaintzea du helburu), epaileen sindikatuak, Interneteko konpainiak eta giza eskubideen aldeko elkarteak, besteak beste.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.