M5S Beppe Grilloren alderdiak Erromako Alkatetza lor dezake
Italiako udal hauteskundeek ez dute irabazle argirik utzi hiri nagusietan, baina Beppe Grilloren M5S alderdiak Erromako Alkatetza gertu du. Bestalde, eskuin muturrak gora egin du Italiako hiriburuan.
Piepoli Institutuak egindako inkesten arabera, Virginia Raggi M5Sko hautagaiak bozen % 34 eta 38 artean eskuratu ditu eta guztien aurretik dago.
37 urteko Raggik abantaila lortu du, baina bigarren itzulia izango da ekainaren 19an, bozen % 50 eskuratu ez dituelako. Bigarren lekuan nor geratuko, hori da zalantza bakarra orain.
Iturri berdinaren arabera, bigarren postuan Roberto Giachetti Alderdi Demokratako (PD) hautagaia legoke (% 20-24), baina Giorgia Meloni eskuin muturreko ordezkaria (% 16-20) oso hurbil duelarik.
Eskuin muturraren gorakada
Meloniren alderdiak Liga Norte (Matteo Salvini) xenofoboaren babesa du. Eskuin muturraren gorakada baieztatuko lukete hiriburuko emaitzek.
Bestalde, Silvio Berlusconi lehen ministro ohiaren zaplaztekoa berretsiko dute emaitzek. Alfio Marchini bere hautagaiak botoen % 10-14 eskuratuko dituela ematen du.
Matteo Renziren Gobernuarentzako proba ere izan dira udal hauteskundeak; izan ere, Exekutiboa ez zen hautestontzietatik atera, 2014an izendatu zutenean.
Oraingoz, inkesten arabera, Renzik Turin eta Milaneko udalak bereganatuko lituzke, baina Erroma gal dezake.
Zure interesekoa izan daiteke
400 pertsona baino gehiago atxilotu dituzte Frantzian, PSGk Txapeldunen Liga irabazi ostean izandako istiluetan
Sute, ekintza bandaliko eta poliziarekin liskar ugari izan dira gauean, Frantziako hainbat tokitan. Gainera, gutxienez zazpi agente zauritu dira. Parisen atxilotu dituzte pertsona gehienak.
Iranek bake akordiorako adostasunak onartu ditu, eta AEBri egotzi dio beti atzera botatzea
Reza Zabib Iranek Espainiako Estatuan duen enbaxadoreak negoziazioak nahasten aritzea egotzi dio Donald Trump AEBko presidenteari. Era berean, Israelek bakea oztopatzeko ahaleginetan jarduten duela salatu du, eta Ormuzko itsasartearen kontrola Irani aitortu behar zaiola.
Akordiorik gabe amaitu da Trumpek Iranekin Etxe Zurian egin duen bilera
AEBko presidenteak esan du Irango Islamiar Errepublikak uko egin behar diola arma nuklearrak garatzeari, eta berehala ireki behar duela Ormuzko itsasartea.
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin konpainiaren kohete batek eztanda egin du Floridan, jaurti aurretik egindako proba batean
New Glenn kohetearen motorrak pizteko proba batean gertatu da leherketa, jaurtiketa egin aurretik egin ohi duten probetako batean.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.