Trumpek musulmanei AEBn sartzen ez uzteko eskatu du berriro
Donald Trump AEBko presidente izateko hautagai errepublikanoak musulmanei herrialdean sartzeko debekua ezartzea eskatu du berriro eta Barack Obama AEBko presidentearen dimisioa eskatzeaz gain, Hillary Clinton hautagai demokratari kritika gogorrak egin dizkio.
"Orlandon gertatu dena hasiera baino ez da. Gure buruzagiak ez dira eraginkorrak eta ahulak dira. Nik hori esan nuen eta debekua eskatu nuen. Gogor jokatu behar da", idatzi du Trumpek Twitterren duen kontuan.
Halaber, Trumpen kanpainako arduradunek komunikatu bat argitaratu dute Orlandoko sarraskiaren inguruan. Orlandoko tiroketaren ondoren egindako adierazpenetan "islam erradikala" hitzak erabiltzeko gai ez izatea egotzi dio Trumpek Obamari. "Horregatik baino ez bada ere, dimisioa eman beharko luke", horren iritzian.
"Atentatu horren ondoren Hillary Clintonek bi hitz hauek, 'islam erradikala', esan ezin baditu, utzi egin beharko luke AEBko presidente izateko lehia", adierazi du.
Trumpen esanetan, "jarrera gogor bat hartzen ez badugu eta azkarrak ez bagara, laster ez dugu herrialderik izango". "Gertatuko zela iragarri zuen eta okerrera joango da. Bizitzak salbatu nahian eta hurrengo atentatu terrorista saihestu nahian ari naiz. Ezin gara politikoki zuzenak izan", gaineratu du.
Bestalde, Ekialde Hurbileko etorkinak eta errefuxiatuak onartzeko tasa handitu nahi izatea leporatu dio Hillary Clintoni. "Ezin ditugu horiek guztiak zelatatu eta ezin dugu saihestu bigarren belaunaldia erradikalizatzea", nabarmendu du.
Hori guztia dela eta, jatorri eta sinesmen guztietako estatubatuarrak "terrorismo islamiko erradikaletik" babesteko deia egin du. "Estatubatuar guztien presidentea izango naiz. AEB herrialde seguru eta handia izango da berriro", azpimarratu du.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.