Terrorismoagatik auzipetuta, Parisko atentatu-saiakeran atxilotutakoak
Frantziako Justiziak auzipetu egin ditu aurreko astean Parisko erdigunean atentatu-saiakera egitea egotzita atxilotutako hiru emakumeak. Gas-bonbonaz eta erregaiz betetako auto bat utzi zuten aparkatuta. Horietako baten mutil-laguna ere auzipetu dute, ekintza terrorista ez salatzeagatik.
Ines Madani (19 urte), Sarah Hervouet (23) eta Amel Sakaou (39) helburu terroristak dituen gaizkile talde bateko kide izatea leporatuta auzipetu dituzte, epaitegietatik EFEri azaldu ziotenez.
Lehenengo biei, gainera, agintari publikoen aurkako hilketa-saiakera ere egotzi diete; hirugarrenari, aldiz, azken krimen horren laguntzaile izatea.
Era berean, Hervoueten mutil-laguna ere auzipetu dute, ekintza terrorista bat ez salatzegatik.
Bernard Cazeneuve Frantziako Barne ministroak esan zuenez, emakumeak "erradikalizatuta eta fanatizatuta" zeuden, eta beste ekintza terrorista batzuk prestatzen ari ziren. Sakaouren etxetik (Paristik 25 kilometrora, hegoaldera) irteten ari zirela atxilotu zituzten, ostegunean.
Hiruren deiak kontrolatzen ari ziren zerbitzu sekretuak ziur zeuden atentatua "laster" egingo zutela.
Polizia segika zutela konturatu zirenean, Hervouetek aizto bat sartu zion agenteetako bati sorbaldan, eta Madani gauza bera egiten saiatu zen, baina agenteak arma atera zuen eta tiro egin zion hankan.
Hala, irailaren 3an, Notre Dameko katedralaren inguruetan aurkitutako autoarekin lotutako komandoa hiru emakumez osatuta zegoen, eta, Parisko Fiskaltzaren arabera, Estatu Islamikoak gidatzen zuen, Siriatik.
zuen, Siriatik. zuen, Siriatik.Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.