Berlingo atentatuaren susmagarria hil du tiroz Poliziak, Milanen
Italiako Poliziak Berlingo atentatuaren susmagarri nagusia, Anis Amri, hil du tiroz Milanen, Marco Minniti Italiako Barne ministroak baieztatu duenez.
Hedabide italiarrek zabaldu dute albistea aurrena, eta handik gutxira, agerraldi laburra egin du Minnitik. Ministroaren hitzetan, "Milanen hildakoa Anis Amri da, Berlingo ustezko terrorista". "Bera da, duda barik", erantsi du. Azaldu duenez, tiro egin dion agentea zauritu du Amrik, baina ez dago larri.
Sesto San Giovanni Milango tren geltokitik hurbil ezarritako polizia kontrol batean jazo da tiroketa, bart 03:00ak aldera. Agenteek nortasun agiria eskatu diote Amriri, eta honek tiro egin du. Agenteetako batek ere tiroz erantzun dio, eta bertan hil du.
Ministroak azaldu duenez, trenez heldu da Amri Italiara, Frantziatik. "Alemaniako agintari politiko eta poliziak jakinaren gainean daude jada. Ikerketa abian dago", zehaztu du.
Minnitik ez du operazioaren inguruko azalpen gehiago eman nahi izan.
12 pertsona hil eta 48 zauritu zituen kamioiaren gidaria zelakoan, 24 urteko tunisiarra bilatzeko eta atxilotzeko agindua zegoen. Ikerketaren iturrien arabera, 2011n irten zen Amri Tunisiatik, eta Mediterraneoa zeharkatuta, Italiara heldu zen. Hainbat delitu egotzita, kartzelan izan zen tunisiarra. Gerora, 2015ean, Alemaniara joan zen.
Ikerketak aurrera jarraitzen du
Kamioian aurkitutako telefono mugikorra ikertzen ari da Alemaniako polizia. Gailua, HTC markakoa, Anis Amrirena zela uste dute. Ikerketa Kriminalaren Bulego Federaleko adituak ari dira mugikorra aztertzen.
Anis Amri hilda dagoen arren, laguntza sare bat izan duen ikertzen ari da polizia. "Ikerketa ez da oraindik bukatu", esan du Merkelek.
Tunisiarrak atentatua egiteko edota ihes egiteko "laguntzaile, kolaboratzaile edo konplize sare bat" izan duen ikertzen ari dira.
Milanen eta Berlinen erabilitako armak ere azterketen erdigunean daude, baita ustezko terroristak erabilitako ihesbidea ere. Hedabide batzuen arabera, Alemanian, Frantzian eta Italian zehar ibili zen.
Amri, bideo bateko protagonista
Estatu Islamikoari leialtasuna hitzematen dion bideo bat eman du argitara Abu Bakr al Baghdadi buru duen talde terroristak. Bideoan, "gurutzatuen" aurka atentatuak egitera animatzen du Amrik, EIren kontrako aire erasoak "mendekatzeko".
"Borroka ahal baduzue, borrokatu. Europan bazaudete, gurutzatu txerri horiek borrokatu", dio Anis Amrik bideoan. "Beren odola ez da alferrik isuriko", gehitu du.
Eskerrak eman dizkio Alemaniak
Alemaniako Gobernuak eskerrak eman dizkio italiarrari Anis Amri Berlingo atentatuaren ustezko egilea hiltzeagatik.
"Oraindik ez dago bi gobernuen arteko konfirmazio ofizialik", azaldu du Alemaniako Barne Ministerioaren bozeramaile batek. Dena dela, baieztatutzat jo du, eta "lasaiago" daudela erantsi.
Alemaniako Atzerri gaietarako Ministerioaren eledunak, bestalde, eskerrak eman dizkio Italiako Poliziari.
Zuhurrago azaldu da Berlingo hiri-estatuko gobernua. Ohartarazi duenez, "lasaiago" daude Amri izan daitekeena hil dutelako, baina haren konplizeen bila daudela azpimarratu du. "Susmagarri nagusia Milanen hil badute ere, horrek ez du esan nahi balizko konplizeen bila ez gabiltzanik, edota auzia itxita ematen dugunik", esan du Andreas Geisel Berlingo Barne arduradunak.
ne arduradunak. ne arduradunak. ne arduradunak.Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.