Urte batean 150 milioi irabazi eta zergetan 38 ordaindu zituen Trumpek
Etxe Zuriak plazaratu dutenez, Donald Trump Estatu Batuetako presidenteak 38 milioi dolar ordaindu zituen zergetan 2005ean, eta 150 irabazi (% 25 zergetan).
Gobernu estatubatuarra aurreratu egin da, MSNBC telebista kateak iragarri baitzuen atzo arratsaldean Trumpen errenta aitorpenaren zati bat lortu eta publiko egiteko asmoa zuela.
"Badakizu audientziengatik desesperatuta zaudela legea urratzeko prest zaudenean, orain hamar urte baino gehiagoko errenta aitorpen baten bi orri publikatzeko", esan du Etxe Zuriak, MSNBCri buruz, Eferi igorritako ohar batean.
Izan ere, azken lau hamarkadetan presidentegai guztiek betetako ohitura hautsi zuen Trumpek aurreko hauteskunde-kanpainan, errenta aitorpenak aireratzeko ohitura baitago, hautesleriarekiko gardentasun keinu gisa.
Trumpek, orduan, atzeratu egin zuen errenta aitorpenaren publikazioa, ikuskaritzapean zegoela argudiatuta, baina, publikatu gabe jarraitzen zuen.
Hauteskundeetarako aste batzuk falta zirenean, The New York Times egunkariak Trumpen 1995 errenta aitorpena plazaratu zuen eta, horrela, erakutsi presidente estatubatuarrak ez zituela zerga federalak ordaindu 20 urtez, 916 milioi dolarreko galerak aurkeztuta.
Orain, Etxe Zuriak zabaldutako oharrean, defendatu egin du Trump, presidente izan baino lehen, "munduko enpresabururik arrakastatsuenetakoa" izan zela, eta "legeak eskatzen duena baino gehiago ez ordaintzen" saiatu zela.
Gainera, gogorarazi duenez, 2005ean, hirigintzak -Trumpen jarduerarik nagusiena- "balio handia galdu zuen" eta, horrela, justifikatu egin zuen Trumpek ordaindutako tasa % 25ekoa izatea, hau da, irabazi zuenagatik zegokiona baino gutxiagokoa.
Zure interesekoa izan daiteke
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan gertatu da, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte eta Israelera bidean dira.
Putinek su-etena proposatu du Ukrainan maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.