AEEk Venezuelari buruz hitz egiteko bilera egingo du
Astelehen honetan Venezuelako gatazka politikoari buruz hitz egiteko ezohiko bilera egingo du Amerikako Estatuen Erakundeak (AEE). Hondurasek izango du bilera horren ardura, Boliviak (Kontseilu Iraunkorraren presidentzia duen herrialdeak) ez duela parte hartuko iragarri ondoren.
Jean Michel Arrighi AEE erakundeko aholkulari judizialak azaldu duenez, bilera hasteko akordioa lortu dute. Ildo horretatik, Boliviak (presidentea) eta Haitik (presidenteordea) uko egin ondoren, erakunde horren barruan denbora gehien daraman ordezkariari dagokio presidentzia kargua hartzea, kasu honetan, Leonidas Rosa Bautistari (Honduras).
Gauzak horrela, Arrighik Kontseiluaren 37. artikulua erabili du ezohiko bilera gauzatu ahal izateko. Artikulu horren arabera, ordezkari batek idatziz bilera egiteko eskaera egiten duen bakoitzean, erakundeak bilera egingo du. Hala, ezohiko bilera egiteko adostasuna egon dela azpimarratu du.
AEEko hogei bat herrialde, Venezuelan orden demokratikoaren konstituzioa hautsi egin dela jasotzen duen adierazpena bozkatzeko prest agertu dira.
Venezuelari buruz hitz egiteko AEEn ezohiko bilera egitea eskatu duten herrialdeak ondorengoak dira: Kanada, Argentina, Brasil, Txile, Kolonbia, Costa Rica, AEB, Guatemala, Honduras, Mexiko, Panama, Paraguay, Peru, Santa Luzia, Jamaika, Barbados, Bahamak, Guyana, Belize eta Uruguay.
Bolivia AEEko Kontseilura heldu izana, Nicolas Maduroren Gobernuari arnasa eman dio, herrialde aliatu bat delako orain antolaketa gaiak zuzenduko dituena. Venezuelak Bolivia zoriondu du eta "bere herrialdearen duintasuna defendatuko" duela uste du.
Boliviak eta Venezuelak bilera eten egin dute
Amerikako Estatuen Erakundeko (AEE) Bolivia eta Venezuelako enbaxadoreek Venezuelari buruz hitz egiteko ezohiko bilera eten egin dute astelehen honetan, minutu batzuk besterik ez direnean igaro. Haien esanetan, “Estatu kolpea” suposatzen duen “legez kanpoko” bilera da.
Hondurasek “legez kanpo” eta mahai gainean kolpea emanez Kontseilu Iraunkorraren presidentzia hartu izana deitoratu du Diego Pary Boliviako enbaxadoreak. Ildo horretatik, “inola ere ez” duela eskumen hori “lapurtzen” utziko ziurtatu du.
Argentinak, Kolonbiak eta Kanadak bilera horren gai-zerrendarekin jarraitzeko eskatu duten arren, momentuz AEEren bilera geldirik dago.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.