Polizia bat eta haren erasotzailea hil dira tiroketa batean Parisen
Polizia bat hil, beste bi larri zauritu eta emakume zibil bat zauritu dituzte Parisko Eliseoko Zelaietan jazotako tiroketa batean. Segurtasun indarrek erasotzailea hil dute.
Tiroketa 21:00etan gertatu da, etorbideko 104. zenbakiaren parean. Parisko Poliziak ingurua eta zenbait metro geltoki itxi ditu, eta bertatik ez pasatzea eskatu die herritarrei.
Frantziako Barne Ministerioaren arabera, erasotzailea auto batetik jaitsi da eta tiroka hasi da arma automatiko batekin; lekukoen esanetan, kalashnikov batekin. Geldituta zegoen Poliziaren ibilgailu baten kontra egin du tiro lehendabizi.
Ondoren, ihesean joan da eta bidean beste bi polizia eta bertan zegoen emakume bat zauritu ditu, tiroz. Segurtasun indarrek handik gutxira hil dute erasotzailea, Barne Ministerioak azaldu duenez. Bi poliziak larri daudela baieztatu dute, baina ukatu egin dute horietako bat hil izana, zenbait komunikabidek hala zabaldu duten arren.
Barne Ministerioak esan du oraingoz ezin dutela baztertu erasotzaileak beste pertsonaren baten laguntzarekin jardun izana, baina tiroketan behintzat bakarrik aritu dela ziurtatu dute. BFM telebista-katean hitz egin duten lekukoek, berriz, erasotzaileak bi direla esan dute.
Terrorismoaren aurkako Fiskaltzak ikerketa bat jarri du abian. Agintariek ez dute erasotzailearen inguruko daturik eman, baina BFM telebistak esan du Telegram sare sozialean iragarri zuela poliziak hiltzeko asmoa.
Bernard Cazeneuve lehen ministroak eta François Hollande presidenteak larrialdiko bilera egin dute Eliseoan.
Batzarra amaituta, Hollandek azpimarratu du Parisen izandako tiroketak "lotura terrorista" duela.
Frantziako estatuburuak iragarri du Segurtasun Kabinetea ostiral honetan batzartuko dela, eta Segurtasun Indarrek zorroztu egingo dutela segurtasuna, igandeko hauteskundeei begira.
Bestalde, Estatu Islamikoak bere gain hartu du jada atentatua eta erasoaren egilea ere identifikatu du: Abu Yusuf al Beljiki ('belgikarra').
Hauteskundeak
Hain justu, hautagai guztiak hauteskunde eztabaida egiten ari zirenean gertatu da tiroketa, eta ondoren, Macronek, Fillonek et Le Penek iragarri dute bertan behera utziko dituztela hauteskunde-kanpainako azken egunerako, ostiralerako, antolatuak zituzten ekitaldiak.
Frantziako Gobernuak 50.000 polizia eta jendarme hedatu ditu presidenterako hauteskundeen lehen itzulia dela eta.
Aste honetan bi pertsona atxilotu dituzte Marseillan, "berehala" atentatua egiteko asmoa zutenean.
Frantzia larrialdi egoeran dago 2015eko azaroaren 13an Parisen izandako atentatutik. Orduan, 130 pertsona hil zituzten.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.