Macron: 'Egindakoak ez dauka aurrekaririk'
Emmanuel Macron Frantziako presidente hautetsiak garaipena ospatu du bart milaka eta milaka jarraitzaileren aurrean eta, azpimarratu zuenez, berak sortutako (duela urtebete inguru) mugimendu politikoak lortutakoak "ez dauka aurrekaririk, ezta baliokiderik ere".
"Orain dela hainbeste hilabete egindakoak ez dauka aurrekaririk ezta baliokiderik ere. Mundu guztiak zioen ezinezkoa zela. Ez zutelako Frantzia ezagutzen", esan zuen Macronek Louvreko zabaldegian, milaka pertsonen aurrean egindako hitzaldian.
Hautagai sozioliberalak Marine Le Pen Fronte Nazionaleko buruzagia garaitu du, behin betiko emaitzen arabera, bozen % 66,06 eskuratu baitu, hots, bere aurkariak baino 30 puntu baino gehiago (% 33,94).
Politikari gaztearen (39 urte) esanetan, aurretik dagoen oso lan handia dago egiteko, eta bere alde bozkatu zutenei ekainean egitekoak diren legegintzarako hauteskundeetan ere berriz botoa ematea eskatu die, "benetako gehiengoa (gobernurako) eraikitzeko, irmoa, herrialdeak nahi duen aldaketaren gehiengoa".
"Aldaketaren aldeko gehiengoa da zuengandik espero dudana sei aste barru, zuen beharrean jarraitzen baitut", erantsi zuen.
Macron bere emaztearekin, bart. Argazkia: EFE
Gainera, Macronek "bidelagunei", "familiari" eta "gertukoei" omendu zituen Louvreren inguruetan eta, ohartarazi zuenez, datorrena "ez da egunero erraza izango; zeregina gogorra izango da".
Jarraitzaileei egia esan eta babestuko dituela hitz eman zuen eta, halaber, bere helburua bateratzea eta adiskidetzea dela adierazi zien bertaratutakoei.
Oso ondo landuta egon zen Macronek egindako bidea, agertokiraino, Alaitasunaren oda entzuten ari zela. Abestia Europar Batasunaren ereserki ofiziala da, Beethovenen Bederatzigarren Sinfonian oinarrituta.
Bertan, gogorarazi zuen Louvrek "gure historia" errepasatzen duela, "Antzinako Erregimenetik Parisko askapenera arte". "Europa eta mundu osoa guri begira daude", "Ilustrazioaren izaera edonon defendatzea espero dute (…) Gu izatea espero dute".
Maiatzak 14, esku hartzea
Macronek hurrengo igandean, maiatzak 14, hartuko du Frantziako gidaritza François Hollande egungo presidentearen eskutik, France 2 kateak aurreratu duenez. Orduan jakinaraziko du nor izango den lehen ministroa eta nortzuek osatuko dute Gobernua.
Era berean, maiatzaren 10ean presidente berriaren (V. Errepublikako zortzigarrena, Frantziko historian 25.a, herrialdeak izan duen gazteena) jakinarazte ofiziala egingo da, aldizkari ofizialean argitaratzen dutenean, Batzorde Konstituzionalak baieztatu eta gero.
Legislatiboak dira orain erronka
Lehen ministro berriaren agintaldiak baliteke iraungitze data izatea, mugimenduak (alderdi bihurtu eta gero, aurkeztu ahal izateko", behar duen babesa ez badu jasotzen, ekainaren 11 eta 18an egitekoak diren legegintzarako hauteskundeetan. Galduz gero, bizikidetzara kondenatuta egongo litzateke, eta gobernuburu bat izendatzeko beharrarekin.
Halere, Ekonomia ministro ohia ziur agertu da frantziarrek presidente aukeratu baldin badute, gehiengoa ere emango diotela Parlamentuan, bere programa bete ahal izateko.
Horretarako, 577 zirkunskripzioetan aurkeztuko ditu hautagaiak eta, aurreko ostegunean argitaratutako inkesta baten arabera, aukera garbiak ditu beharrezko gehiengoa izateko.
Le Penek Macron zoriondu du
Marine Le Pen alderdi ultraeskuindarreko hautagaiak Macron zoriondu du, Frantziako presidentea aukeratzeko hauteskundeetan lortutako garaipenagatik.
20:00ak aldera egindako agerraldian azaldu duenez, Macroni deitu dio zoriontzeko, eta herrialdeko presidente gisa izango dituen erronketan "zorte ona" opa diola esateko.
diola esateko.Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".