Italia, GKEen eta pertsona-trafikatzaileen arteko 'harremanak' ikertzen
Libiako kostaldean aritzen diren pertsona-trafikatzaileen sareen kontra tinko aritzeko asmoa du Italiak. Europa amets, milaka lagun ateratzen dira Afrika iparraldeko herrialde horretatik. Bertatik irten dira aurten Italiara heldutako 95.215 etorkinen % 97.
Etorkinok gobernuz kanpoko erakundeen (GKE) ontziek erreskatatzen dituzte maiz, eta azken horien jarduna kontrolatzeko asmoz, jokabide kodea proposatu die, Europar Batasunaren oniritziarekin.
Kode horren arabera, gobernuz kanpoko erakundeen ontziak ezin dira Libiako uretan sartu. Gainera, ezin dute pertsona-trafikatzaileek atzemateko moduko argizko seinale edo radar abisurik egin.
Horrez gain, erakundeek gardentasunez azaldu behar dituzte euren finantzaketa moduak, eta euren ontzietan armatutako funtzionario bat sartzea baimendu behar dute.
Marco Minniti Italiako Barne ministroak azaldu duenez, Mediterraneoan lan egiten jarraitu nahi duten gobernuz kanpoko erakundeek "kodea sinatu beharko dute". Hala egin dute jada Save the Children, Moas eta Proactiva Open Arms erakundeek.
Halaber, Mugarik Gabeko Medikuak (MSF, gaztelerazko sigletan) erakundeak dagoeneko esan du ez dutela sinatuko. Horren ordezkariek argudiatu dutenez, ez dituzte euren ontzietan funtzionario armaturik onartuko. "Arazoa ez da funtzionarioekin, armekin baizik. Adibidez, mundu zabalean egunero ari gara lanean armek gure erietxeetan lekurik ez izateko", azaldu dute ohar batean.
Atzo bertan ez zioten Lampedusan porturatzen utzi Mediterraneoan erreskatatutako 127 pertsona zeramatzan Mugarik Gabeko Medikuen ontzi bati.
Alemaniako GKE bat, susmopean
Hain justu, jokabide kodea sinatu ez duten beste erakunde baten, Jugend Rettet alemaniarraren, jarduna ikerketapean dute Italiako agintariek. Trapaniko (Italia hegoaldea) Fiskaltzaren aginduz, Iuventa ontzia atxikita dute abuztuaren 2tik.
Italiako Polizia, 'Iuventa' ontzia atxiki zuen egunean. EFE
Ambrogio Cartosio fiskalburuak ikerketa abiatu du ontzi horren tripulazioaren eta pertsona-trafikatzaileen artean izandako "harremanak" argitzeko. Ikerketak agerian utzi du gobernuz kanpoko erakunde horretako kideek harremanak izan zituztela trafikatzaileekin, gutxienez hiru aldiz: 2016ko irailaren 10ean eta 2017ko ekainaren 18an eta 26an.
Fiskaltzak egiaztatu duenez, trafikatzaileek etorkinak zeramatzaten ontziei laguntzen zieten, Alemaniako gobernuz kanpoko erakundearen "esku uzteko".
Oraingoz ez dute inor inputatu. Jugend Rettet erakundeak iragarri du helegitea aurkeztuko duela atxikitze aginduaren kontra.
Misioa Libiako uretan
Jokabide kodeaz gain, pertsona-trafikatzaileen jarduna oztopatzeko beste hainbat neurri hartu ditu Paolo Gentiloniren gobernuak. Italiako ontziak Libiako uretan ibiliko dira, herrialde horretako itsasontziei laguntzen.
Tripoli parean dauden uretan garatuko dute misioa, abenduaren 31ra arte. Bi patruilak Libiako itsas guardiako ontziak konpontzen lagunduko dute, besteak beste.
Libia ekialdeko indarrek Italiaren erabakia kritikatu dute, herrialdearen subiranotasunaren kontrako neurria dela iritzita. Hala, Libiako uretan baimen gabe sartzen den edozein itsasontziri eraso egingo diotela iragarri du Libiako Armada Nazionalak.
Berehala etorri da Italiaren erantzuna. Libiako Gobernuaren ordezkariek argitu duenez, Libiako mendebaldeko uretan ibiliko dira ontziak, ekialdeko indarrak dauden eremutik urrun.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.