Putinek bere laugarren agintaldia abiatu du Errusiako presidente gisa
Vladimir Putinek Errusiako presidente karguaren zina egin du astelehen honetan, Moskuko Kremlineko San Andres aretoan egindako ekitaldi jendetsu batean. Laugarren agintaldia du honakoa, eta beste sei urtez egongo da boterean.
Eskuineko eskua Konstituzioaren gainean jarrita zuela, "herritarren eskubide eta askatasunak babestu eta errespetatu; Errusiako Federazioan Konstituzioa bete eta defenditu; Estatuaren independentzia, subiranotasuna, segurtasuna eta lurralde osotasuna babestu eta herriaren esanetara leial aritzea" agindu du.
6.000 gonbidatu baino gehiago izan dira ekitaldia bertatik bertara jarraitzen; Gobernuko ministroak, diputatu eta senatariak, diplomaziako kideak, Elizako eta Armadako ordezkariak eta pertsona famatuak, besteak beste.
Ekitaldiaren une bat. Reutersen bideo batetik hartutako irudia.
"Nire betebeharra, nire bizitzari zentzua ematen diona, Errusiagatik dena egitea da: herrialdearen orainaren eta etorkizunaren alde, bakearen eta aurrerabidearen alde, Errusiako familia guztien alde", adierazi du Putinek karguaren zina egin ostean eskainitako hitzaldi laburrean.
Errusiarrei eskerrak eman dizkie
"Berriro ere eskerrak eman nahi dizkiet herritarrei bozetan emandako babes zintzoagatik", erantsi du. Martxoaren 18ko hauteskundeetan botoen % 76 jaso zituen Putinek. Errusiako presidentearen aburuz, boto portzentaje hori "kapital politiko itzela eta babes moral irmoa da".
Putinen esanetan, "lortutako babes hori ezinbestekoa da nazioartean gure jarrera defendatzeko eta herrialdean aurrerapausoak emateko. Gure interesak defendatzen ikasi dugu, aberriaren harrotasuna eta gure balio tradizionalak berreskuratu ditugu".
Azkenik, "herriaren segurtasuna eta defentsa ahalmena bermatuko ditut", agindu du.
Medvedev proposatu du lehen ministro kargurako
Ekitaldia amaituta, lehen ministro kargurako proposamena helarazi dio Duma diputatuen ganberari: Dmitri Medvedev (2012tik dago postu horretan).
Dumak proposamena onartuko balu (astearte honetan egingo dute bozketa), azken 10 urteetan agintean izan den bikoteak jarraituko du.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.