Konponbiderik egokiena Venezuelan hauteskundeak direla esan dio Sanchezek Guaidori
Bere burua Venezuelako presidente izendatu duen Juan Guaidorekin berba egin du ostegun goizean Pedro Sanchez Espainiako presidenteak. Venezuelako krisiari aurre egiteko konponbiderik "egokiena eta naturalena" hauteskundeak direla esan dio Sanchezek Guaidori.
Pedro Sanchezek tarte bat hartu du Davoseko Nazioarteko Ekonomia Foroan Guaidorekin telefonoz hitz egiteko. Hamar minutuz egon dira berbetan; eta, besteak beste, Espainiako Gobernuko presidenteak dituen asmoi buruz galdetu dio. Halaber, EBren babesa helarazi dio Venezuelako Asanblea Nazionalari, bere legitimitatea "ukaezina" baita.
Espainiako presidenteak ez dio, ordea, babes esplizitua eman Guaidori, EBko Atzerri Arazoetako Kontseiluari baitagokio horren inguruan jarrera zehaztea. Horretarako bilera lehenbailehen egin behar dutela azpimarratu du.
Espainiako Gobernuko iturriek gogoratu dutenez, EBk Venezuelari ezarritako zigor indibidualak babestu zituen, baita Kolonbiako Giza Eskubideen Batzordeak Nicolas Maduroren Gobernuari ezarritako kondenak ere. Gainera, Espainiako Exekutiboak ez zituen Venezuelako azken hauteskundeak babestu, eta ez zuen Maduroren kargu hartzera Gobernuko ordezkaririk bidali.
Hori horrela, Espainiak ez dio Europari esango zein erabaki hartu behar duen, baina erabaki horretan Espainiaren jarrera garrantzitsua dela ohartarazi du. Edonola ere, Espainiako Gobernua erantzun bateratu baten alde dago, iturri beraren arabera.
Bestalde, EBk atzo argitaratutako agiriarekin egindako ahalegina azaldu dio Sanchezek Guaidori. Agiri horretan, Europar Batasunak babesa eman zion Venezuelako Asanblea Nazionalari.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.