Erresuma Batuko Parlamentuak 'brexit'aren gaineko kontrola bereganatuko du gaur
Komunen Ganberak brexitaren gaineko kontrola bereganatuko du gaur, Erresuma Batuko Gobernuari kenduz. Theresa May lehen ministroak aurkeztutako akordioak babes nahikorik ez duela ikusita, gaurko saioan Erresuma Batua Europar Batasunetik irteteko beste aukerak bozkatuko dituzte parlamentariek. Bozketak ez dira lotesleak, baina Theresa May lehen ministroaren estrategia baldintza dezakete.
Astelehenenean, Letwin zuzenketa onartu zuen Komunen Ganberak eta horrek bidea zabaldu die parlamentariei brexiterako beste aukera batzuk bozkatzeko. Komunen Ganberak birritan bota du atzera Theresa Mayk Europar Batasunarekin lorturiko akordioa: urtarrilaren 15ean eta martxoaren 12an.
Parlamentuak Letwin zuzenketa onartzea kolpe gogorra izan da Theresa May lehen ministroarentzat, gobernuburu gisa duen agintea ahultzea eragin duelako.
Zer da Letwin zuzenketa?
Diputatuei gai bati buruzko aukera ezberdinak bozkatzeko aukera ematen die, kasu honetan brexitari buruz, besteak beste, Komunen Ganberaren babesa duten aukerak zein diren ikusteko.
Nork proposatu du?
Oliver Letwin eta Dominic Grieve diputatu kontserbadoreek eta Hilary Benn diputatu laboristak aurkeztu dute.
Noren babesa izan du?
329 diputatuk zuzenketa babestu dute; 302k, ostera, kontrako botoa eman dute. Hiru Estatu idazkarik dimisioa eman dute -Richard Harrington (Enpresa), Alistair Burt (Atzerri Gaiak) eta Steve Brine (Osasuna)- zuzenketaren alde eta, beraz, Gobernuaren kontra bozkatu ahal izateko.
Zer bozkatuko dute diputatuek asteazkenean?
Oraindik ez dute zehaztu zein aukera bozkatuko dituzten, baina segur aski aukera hauek bertan izango dira: akordiorik gabeko brexita, merkataritza askerako akordioa, aduana batasunerako laboristen lana, Lisboako Ituneko 50. artikulua bertan behera uztea edota brexitari buruzko bigarren erreferenduma.
Zergatik ez dute diputatuek orain arte bozkatu aukera horien inguruan?
Diputatuek zuzenketak bozkatu izan dituzte, baina beti Gobernuak aurkeztutako mozioen ingurukoan izan dira. Oraingoan, diputatuek eurek aurkeztuko dituzte bozketarako aukerak.
Zenbat denbora iraungo du bozketak?
Oraindik ez dago argi. Hala eta guztiz ere, Oliver Letwin diputatuak azaldu duenez, litekeena da bozketa guztiak egiteko egunak behar izatea. Asteazken arratsaldean (bertan 14:00ak direnean) hasiko da.
Zein da Gobernuaren jarrera?
Gobernuaren esanetan, aurrekari "arriskutsua" eta "aurreikusi ezina" ezartzen du. Azaldu duenez, oso litekeena da diputatuek bozkatutako aukera bakar bat ere ezin gauzatu izatea.
Zenbat denbora du (Erresuma Batuak) krisia konpontzeko?
Erresuma Batuak apirilaren 12ra arteko epea du Europar Batasunetik (EB) irteteko plan alternatiboa Bruselan aurkezteko. Theresa Mayk eta Erresuma Batuak lorturiko akordioak Komunen Ganberaren babesa lortuko balu, ostera, epea maiatzaren 22ra artekoa litzateke.
Bestalde, Erresuma Batuak brexiterako plan alternatiborik aurkeztuko ez balu, orduan apirilaren 12an irtengo litzateke EBtik, akordiorik gabe.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.