Ritcher eskalan 7,5eko maila izan duen lurrikara izan da Perun
Ritcher eskalan 7,5eko maila izan duen lurrikara batek astindu du Perun gaur goizean, Ekuadorreko mugatik gertu. Perun 02:41 zirenean gertatu da lurrikara (07:41 GMT) Amazonia Altuan, Lagunas distritutik 70 kilometrora, IGP Peruko Geofisika Institutuak jakitera eman duenez. Hasiera batean IGP berak 7,2koa dela esan duen arren, 7,5era igo du indarra gero.
Lurrikararen epizentroa Moyobamban, San Martin probintziako hiriburutik 191 kilometro ekialdera dagoen inguruan izan da, baina Lima hiriburuan ere sentitu da, 700 kilometrora.
Andeetan dago Moyobamba, Alto Mayo haranean, eta 80.324 pertsona bizi dira Amazonia inguru horretan. Amazonian gertatzen diren lurrikarak oso sakonak izan ohi dira eta horrek suntsiketa indarra gutxitzen badu ere, uhin sismikoa milaka kilometrora sentitu daiteke, eta horixe gertatu da gaur. Hala, Ekuadorren, Kolonbian eta Brasilen ere antzeman dute.
Kolonbian, hain zuzen ere, 8,3ko lurrikara sentitu dutela ordu horretan jakinarazi du Kolonbiako Zerbitzu Geologikoak.
Gutxienez hildako bat
Peruko Larrialdi Operazioak jakitera eman duenez, gutxienez pertsona bat hil da eta bost zauritu dira lurrikara dela eta. Antza denez, harkaitz bat gainera erorita hil da pertsona hori Cajamarca eskualdean.
Amazonaseko Yurimaguas herria izan da kaltetuena eta hara joan da Martin Vizcarra Peruko presidentea kalteak bertatik bertara ezagutzera.
Kalteak jasan dituzten familiei laguntza humanitarioa emango dietela esan du eta etenda dauden errepideak eta komunikazio bideak berrirekiko dituztela lehenbailehen.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.