Trump protesta artean hartu dute Daytonen
Manifestari taldeek hartu dute Donald Trump Ameriketako Estatu Batuetako presidentea Daytonen (Ohio), armen inguruan kontrol zorrotzagoa eskatzeko. Tiroketa batek bederatzi hildako utzi zituen bertan igandean, eta Poliziak erasotzailea hil zuen.
"Zerbait egin" eta "Haurtxo bat izateari utzi, NRAri (Erriflearen Elkarte Nazionala) aurre egin" irakur zitekeen kartel batzuetan. "Ongietorri Toledora" zioen beste batek, Trumpek asteburuko agerraldian egindako hanka-sartzeari erreferentzia eginez. Toledo Daytonen alboan dago, baina presidenteak hitzaldian lehenengoa aipatu zuen.
Gainera, "Baby Trump" izenekoa jarri dute manifestariek; protestetan gobernariaren irudi bilakatu den puxika erraldoia, haurtxo itxurarekin erakusten duena.
Daytonera joan aurretik, armak erosten dituztenen aurrekariak egiaztatzeko neurriak areagotzeko proposatu du Trumpek Etxe Zurian. Lege bat onartzeko "gose handia" dago Kongresuan, gaineratu du horren harian.
Dayton (Ohio) eta El Paso (Texas) bisitatu ditu Trumpek. Mexikoko mugan beste tiroketa batek 22 pertsona hil zituen larunbatean, Ohioko erasoa gertatu baino ordu batzuk lehenago. Tiroketa merkataritza-gune batean gertatu zen, eta hildakoetako zortzi mexikarrak ziren.
"Errepublikanoak zein demokratak aurrekarien kontrolarekin zerbait egiteko lege batean jarrerak hurbiltzen ari direla uste dut", adierazi du Trumpek, eta bere erretorikak tiroketen indarkeriari ez diola lagundu esan du: "Nire erretorikak jendea batzen du".
El Pasoko erasotzaileak Trumpen hitzak erabili omen zituen sarraskia egin baino lehen argitaratu zuen manifestu arrazistan. "Inbasio hispanoari erantzuna" zela ziurtatu zuen erasoaren egileak.
Latinoamerikarren immigrazioa AEBren aurkako "inbasioa" dela esan du Trumpek askotan.
Nan Whaley Daytongo alkateak adierazi duenez, presidenteak armen gaiaren inguruan egindako adierazpenak "etsigarriak" dira.
Zure interesekoa izan daiteke
Putinek su-etena proposatu du Ukrainan maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.
Txernobylgo tragediaren 40. urteurrena oroitu dute Ukrainan
Kieven, Txernobylgo heroien monumentuaren aurrean oroimen ekitaldia egin zuten bart, historiako hondamendi nuklearrik larriena gertatu zenetik 40 urte bete direnean. Leherketa gertatu eta gero, istripua izan zuen erreaktorera joan ziren larrialdi-zerbitzuetako taldeak omentzeko eraiki zen monumentua.