Italiako Konstituzionalak suizidio lagundua baimendu du, kasu batzuetan
Italiako Auzitegi Konstituzionalaren iritziz, lagundutako suizidioa ez da beti delitu, eta gaixotasun sendaezin edota egoera itzulezinetan zilegi dela ebatzi du. Epaia historikoa da, eta poza eragin du eutanasiaren eta heriotza duin baten aldekoen artean.
Konstituzionaleko epaileek hainbat kasu salbuetsi dituzte Zigor Kodeak auzi honetarako aurreikusten dituen zigorretatik. Hala, "gaixotasun sendaezin batek jota, sufrimendu fisiko eta psikologiko jasangaitza duten eta bizi-euskarriko tratamenduei esker bizirik dauden gaixoentzat" baimenduta egongo litzateke, "baldin eta erabakiak libre eta kontzienteki hartzeko gai bada".
'DJ Fabo auzia' bezala ezagutzen dena aztertu dute epaileek, Milango epaitegi batek hala eskatuta. Auzian, Marco Cappato Alderdi Erradikaleko kide eta eurodiputatu ohia zen akusatu nagusia. Cappatok Fabiano Antoniani DJ Fabo-ri hiltzen lagundu zion. Antonianik trafiko-istripu larria izan zuen, eta tetraplegiko eta itsu geratu zen. 2017an hil zen Suitzan, suizidio lagunduak egin diren klinika batean.
Cappatok pozik hartu du epaia, eta orain Italiako gizartea "libreagoa" dela nabarmendu du. "Epaileek erabaki dute: Faboren egoera berean daudenei hiltzen lagundu ahal diegu", adierazi du sare sozialetan.
2018ko urrian, Konstituzionalak urtebeteko epea —aurtengo irailera arte— eman zion Italiako Parlamentuari eutanasiaren inguruan zegoen lege hutsunea konpontzeko. Oraindik ez du egin.
Aurretik, iazko otsailean, Cappatoren kontrako auzia zeraman Milango Zigor Epaitegiak galdea egin zion Konstituzionalari, Zigor Kodeko 580 artikulua interpretatzea eskatuz.
Artikulu horren arabera, "beste pertsona bati bere buruaz beste egiten laguntzen dionari" urtebete eta 12 urte arteko kartzela-zigorra ezar diezaiokete.
Zure interesekoa izan daiteke
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.