Sute handia izan da Santiagoko erdigunean, Txileko protestetan
Herritarren nahigabea plazaratzeko asmoz Txileko Gobernuaren egoitza den Moneda jauregirantz zihoan protesta bat sute handi batekin amaitu da astelehen honetan Santiagon, merkataritza-gune batean, herrialdearen hiriburuko erdigunean. Protestan, halaber, hainbat istilu eta barrikada izan dira.
Manifestari batzuek merkataritza-gunea arpilatu dute, eta, gero, sutea piztu da barruan. Aldameneko eraikinetara barreiatzeko zorian izan da, baina, azkenean, ez da halakorik gertatu, suhiltzaileei esker.
Protesta deitu dutenek Moneda jauregiko hesien aurreraino heldu nahi zuten, herritarren nahigabea adierazteko, baina, Karabineroek manifestariei aurre egin ondoren, protestariak Gobernuaren egoitzatik 200 bat metrora geratu dira.
Segurtasun Indarrek protesta erreprimitu dute, Monedara ez iristeko, eta manifestariek ia kilometro bat bete dute Bernardo O’Higgins zumarkalean, Santiagoko kale nagusian.
Sutan zeuden barrikadak gero eta gehiago zirela ikusita, eta agenteei harriak botatzen hasi direnean, Poliziak gas negar-eragilea eta ura botatzeko kamioiak erabili ditu haiek sakabanatzeko.
Borroka horien erdian, zenbait txanodunek merkataritza-gunea ixten zuen hesi metalikoa hautsi dute, eta hiru solairuko eraikinean sartu dira, dendak arpilatzera. Aurreko orduetan, gauza bera egin dute gertuko farmazia eta denda batzuetan ere.
Arpilatzea amaituta, sutea izan da merkataritza-gunearen barruan (batez ere, jantzi-dendak zeuden bertan), eta sua barreiatzen hasi da, suhiltzaileek kontrolpean hartu arte.
Sutea aldameneko bi eraikinetara zabaldu da (bulegoak daude horietan), baina, esan bezala, suhiltzaileak bertaratu dira eta garrak merkataritza gunetik kanpora ez zabaltzea lortu dute.
Protestak, Italia plazan
Bitartean, Italia plazan ere protestak izan dira. Azken hamaika egunetako manifestazioek plaza hori izan dute epizentro, eta 20 lagun hil dira protesta horietan, tartean atzerriko sei lagun.
Toki horretan, manifestariek sute handia piztu dute Baquedano metro-geltokiaren sarreran. Geltoki horren barruan, Poliziak atxilotuetako batzuk torturatu ditu, biktimek aurkeztutako zenbait salaketaren arabera.
Aurreko egunetan bezala, milaka bildu dira plaza horretan, protestak modu baketsuan egiten.
Zure interesekoa izan daiteke
Iranek bake akordiorako adostasunak onartu ditu, eta AEBri egotzi dio beti atzera botatzea
Reza Zabib Iranek Espainiako Estatuan duen enbaxadoreak negoziazioak nahasten aritzea egotzi dio Donald Trump AEBko presidenteari. Era berean, Israelek bakea oztopatzeko ahaleginetan jarduten duela salatu du, eta Ormuzko itsasartearen kontrola Irani aitortu behar zaiola.
Akordiorik gabe amaitu da Trumpek Iranekin Etxe Zurian egin duen bilera
AEBko presidenteak esan du Irango Islamiar Errepublikak uko egin behar diola arma nuklearrak garatzeari, eta berehala ireki behar duela Ormuzko itsasartea.
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin konpainiaren kohete batek eztanda egin du Floridan, jaurti aurretik egindako proba batean
New Glenn kohetearen motorrak pizteko proba batean gertatu da leherketa, jaurtiketa egin aurretik egin ohi duten probetako batean.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.