NATOk defentsa kolektiboaren konpromisoa berretsi eta Txinara begiratu du
NATOko buruzagiek, Londresko goi-bileraren ostean, defentsa kolektiboaren klausularekiko konpromisoa berretsi dute. Arau horren arabera, erasoa jasan duen edozein estatuk kideen laguntza eskatu dezake. Era berean, atea ireki diote balizko erreformen inguruko "gogoeta prozesuari".
Emanuel Macron Frantziako presidenteak egindako kritikek sortutako polemikaren erdian egin dute goi-bilera. Izan ere, Macronek NATO "burmuineko heriotza egoeran" ikusten duela esan zuen. Horren aurrean, buruzagiek "gogoeta prozesua" abiatzea onartu dute, blokearen "izaera politikoa are gehiago indartzeko", baina xehetasun gehiago eman gabe.
"Txinaren geroz eta eragin handiagoak eta nazioarteko politikek" sortzen dituzten "erronkei" eta "aukerei" erantzuteko deia ere egin dute.
Poloniarentzat eta Baltikoko estatuentzat defentsa egitasmo berriak onartu dituzte, nahiz eta Turkiak itun horiek blokeatzeko mehatxua egin NATOk ez badu Siria iparraldeko kurduen mehatxu terrorista aitortzen.
Trump, haserre, etxera itzuli da beste liderrek bere kontura egindako txantxengatik
Zure interesekoa izan daiteke
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".
Blokeoak eragindako krisi energetikoa muturrera eramaten ari da Kuba
NBEk ohartarazi du gaixotasunak hedatzeko arriskua dagoela, eta 100.000 pazientek baino gehiagok ebakuntzak atzeratu dituztela energia eta medikamentu faltagatik.