Ukrainako hegazkina 'giza akats' baten ondorioz eraitsi zuela onartu du Iranek
Irango Armadak "nahi gabe eta giza akats baten ondorioz" eraitsi zuen, joan den asteazkenean, 176 bidaiari zeramatzan Ukrainako hegazkin komertziala. Hala aitortu dutu dute Irango arduradun militarrek, azken egunotan bertsio hori behin eta berriz ukatu ondoren.
Agiri ofizial baten hartu du bere gain Irango Armadak Boeing 737 hegazkinari gertatutakoa, eta herrialdeak bizi duen "krisi" egoerari egotzi dio ekintza hori. Hegazkin ukrainarra militarren gune batetik oso gertu igaro zela, eta arerioarekin nahastu zutela dio, hitzez hitz, gaur zabaldutako idatziak.
Donald Trump Estatu Batuetako presidenteak azken asteotan Irango hainbat eskualderen kontra egindako mehatxuen ondoren, Iran "alerta maila gorenean" dagoela esan du Armadak. Ukrainako hegazkinaren aurka egin aurretik, tropa estatubatuarrek Iraken duten aire-basearen kontra misilak jaurti zituztela ere aitortu dute, Qasem Soleimani jeneral irandarraren hilketagatik mendeku gisa.
Bestalde, AEBko gerra-hegazkinen presentzia Iranen inoiz baino handiagoa dela salatu du Armada irandarrak, eta horri egotzi dio hein handi batean hegazkinaren aurka egindako erasoa. "Egoera horretan, giza akats baten ondorioz eta nahi gabe erasotu genuen hegazkina, eta horrek gure herrikideen eta hainbat atzerritarren martirioa eragin du", jaso dute agirian.
Iman Jomeini nazioarteko aireportutik atera zen Boeing 737 hegazkina Kievera bidean, asteazken goizean, eta aireratu eta gutxira Teheran hegoaldean erori zen. Berehala hasi ziren Irango Gobernuaren kontrako salaketak, tartean, Justin Trudeau Kanadako lehen ministroak egindakoa.
Iranen adierazpena "pauso garrantzitsua" dela esan du Trudeauk
Justin Trudeau Kanadako lehen ministroak Hasan Rohani Irango presidentearekin hitz egin du larunbat honetan. Bere misil batek hegazkina jo eta bota zuela onartzea "pauso garrantzitsu" bat dela adierazi du Kanadako buruzagiak.
Baina Kanadako lehen ministroak erantsi duenez, "oso larria da", bidaiari hegazkin bat bota izana "izugarria da". Horregatik, Kanadaren parte-hartzearekin "ikerketa sakon" bat egitea eskatu dio Rohaniri.
Ukraina, justizia eske
Vladimir Zelenski Ukrainako presidenteak erantzukizun osoa bere gain hartzeko eskatu dio Irani, eta horrenbestez, "justizia eta kalteordainak" eskatu ditu hildako 176 pertsonentzat eta haien familientzat.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.